ബംഗളൂരു: കരുത്തരായ കര്‍ണാടകക്കെതിരായ രഞ്ജി പോരാട്ടത്തില്‍ കേരളം പൊരുതുന്നു. രണ്ടാം ദിനം കളി നിര്‍ത്തുമ്പോള്‍ കേരളം 3 വിക്കറ്റ് നഷ്ടത്തില്‍ 161 റണ്‍സെന്ന നിലയില്‍. ടോസ് നേടി കര്‍ണാടക കേരളത്തെ ബാറ്റിങിനു അയക്കുകയായിരുന്നു.

ഓപ്പണര്‍ രോഹന്‍ കുന്നുമ്മല്‍ അര്‍ധ സെഞ്ച്വറിയുമായി തിളങ്ങി. താരം 63 റണ്‍സെടുത്തു മടങ്ങി. സഹ ഓപ്പണര്‍ വത്സല്‍ ഗോവിന്ദും ഭേദപ്പെട്ട രീതിയില്‍ ബാറ്റ് വീശി. താരം 31 റണ്‍സ് സ്വന്തമാക്കി പുറത്തായി. അതിഥി താരം ബാബ അപരാജിതാണ് പുറത്തായ മറ്റൊരു താരം. 19 റണ്‍സാണ് ബാബ അപരാജിത് അടിച്ചെടുത്തത്.

ഇന്ത്യ 462ല്‍ പുറത്ത്; ന്യൂസിലന്‍ഡിന് ജയിക്കാന്‍ 107 റണ്‍സ്

കളി നിര്‍ത്തുമ്പോള്‍ ക്യാപ്റ്റന്‍ സച്ചിന്‍ ബേബി (23), സഞ്ജു സാംസണ്‍ (13 പന്തില്‍ 15) എന്നിവരാണ് ക്രീസില്‍. സഞ്ജു ഒരു സിക്‌സും രണ്ട് ഫോറും പറത്തി. ബംഗ്ലാദേശിനെതിരായ മൂന്നാം ടി20യില്‍ കന്നി സെഞ്ച്വറി നേടി മിന്നും ഫോമില്‍ നില്‍ക്കെയാണ് മുന്‍ നായകന്‍ കൂടിയായ സഞ്ജു കേരളത്തിനായി കളിക്കാനിറങ്ങിയത്.