മേഘാലയയെ തകര്‍ത്തു; സയ്യിദ് മുഷ്താഖ് അലി ട്രോഫിയില്‍ കേരളം പ്രീ ക്വാര്‍ട്ടറില്‍
നേരത്തെ ടോസ് നേടി മേഘാലയ ബാറ്റിങ് തിരഞ്ഞെടുക്കുകയായിരുന്നു
ഫയല്‍ ചിത്രം
Last Updated :20 January 2024, 9:08 am IST
ചണ്ഡീഗഢ്: സയ്യിദ് മുഷ്താഖ് അലി ട്രോഫി ടി20 ക്രിക്കറ്റില്‍ കേരളം പ്രീ ക്വാര്‍ട്ടറില്‍. ഗ്രൂപ്പ് ഘട്ടത്തിലെ അവസാന പോരാട്ടത്തില്‍ കേരള മേഘാലയയെ അഞ്ച് വിക്കറ്റിന് കീഴടക്കിയാണ് കേരളത്തിന്റെ മുന്നേറ്റം. ആദ്യം ബാറ്റ് ചെയ്ത മേഘാലയയുടെ പോരാട്ടം നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 100 റണ്‍സില്‍ അവസാനിച്ചു. കേരളം 12.2 ഓവറില്‍ അഞ്ച് വിക്കറ്റ് നഷ്ടത്തില്‍ 101 റണ്‍സെടുത്ത് വിജയം ഉറപ്പാക്കി.
28 റണ്‍സെടുത്ത സച്ചിന്‍ ബേബിയാണ് ടീമിന്റെ ടോപ് സ്‌കോറര്‍. വിഷ്ണു വിനോദ് 27 റണ്‍സ് നേടി. മുഹമ്മദ് അസ്ഹറുദ്ദീന്‍ (14), ക്യാപ്റ്റന്‍ സഞ്ജു സാംസണ്‍ (നാല്), രോഹന്‍ കുന്നുമ്മല്‍ (ഏഴ്) എന്നിവരാണ് പുറത്തായത്. അബ്ദുല്‍ ബാസിത് (13), സിജോമോന്‍ ജോസഫ് (നാല്) എന്നിവര്‍ പുറത്താകാതെ നിന്നു.
നേരത്തെ ടോസ് നേടി മേഘാലയ ബാറ്റിങ് തിരഞ്ഞെടുക്കുകയായിരുന്നു. കേരളത്തിനായി പന്തെറിഞ്ഞ എല്ലാവര്‍ക്കും വിക്കറ്റ് കിട്ടി. വൈശാഖ് ചന്ദ്രന്‍, സുധേശന്‍ മിഥുന്‍ എന്നിവര്‍ രണ്ട് വീതം വിക്കറ്റുകള്‍ നേടി. മനു കൃഷ്ണന്‍, ബേസില്‍ തമ്പി, കെഎം ആസിഫ്, സിജോമോന്‍ ജോസഫ് എന്നിവര്‍ ഓരോ വിക്കറ്റും നേടി.
ലാറി സാംഗ്മയാണ് മേഘാലയയുടെ ടോപ് സ്‌കോറര്‍. താരം 20 റണ്‍സെടുത്തു. ലാറിയെക്കൂടാതെ മൂന്ന് താരങ്ങള്‍ കൂടി രണ്ടക്കം കടന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
സൗദി വിമാനത്താവളത്തില്‍ ഹൂതി ആക്രമണം: പൈലറ്റ് അടക്കം മൂന്ന് പേര്‍ കൊല്ലപ്പെട്ടു, നിരവധി പേര്‍ക്ക് പരിക്ക്
ഉച്ചയ്ക്ക് ചോറ് കഴിച്ചാൽ ഉറക്കം വരുമോ? ഭക്ഷണശീലങ്ങളിൽ വരുത്തേണ്ട മാറ്റങ്ങൾ
'പിഷു പോയപ്പോള്‍ കിഷു വന്നു'; മമ്മൂട്ടിയ്‌ക്കൊപ്പം കൈലാഷ്; പരിഹാസങ്ങള്‍ക്ക് മറുപടിയുമായി ജോളി ജോസഫ്
കേന്ദ്ര സർവകലാശാലയിൽ വിദ്യാർഥി സസ്പെൻഷനെതിരായ എസ്എഫ്ഐ മാർച്ചിൽ സംഘർഷം; പൊലീസ് ജലപീരങ്കി പ്രയോഗിച്ചു
