9.55 ലക്ഷം രൂപ വില; റൂമിയോണിന്റെ പുതിയ ബേസ് വേരിയന്റ് അവതരിപ്പിച്ച് ടൊയോട്ട

ന്യൂഡല്‍ഹി: ടൊയോട്ട കിര്‍ലോസ്‌കര്‍ മോട്ടോര്‍ റൂമിയോണ്‍ നിരയില്‍ ഒരു പുതിയ വേരിയന്റ് അവതരിപ്പിച്ചു. 'E' എന്ന് വിളിക്കുന്ന ഈ ബേസ് വേരിയന്റ് 'ട' വേരിയന്റിന് താഴെയാണ് അവതരിപ്പിക്കുക. ശ്രേണിയിലെ ഏറ്റവും താങ്ങാനാവുന്ന വിലയില്‍ ഇത് ലഭ്യമാകും.

9.55 ലക്ഷം രൂപ വിലയുള്ള പുതിയ റൂമിയോണ്‍ E വേരിയന്റ് 1.5 ലിറ്റര്‍, NA പെട്രോള്‍ എന്‍ജിനിലാണ് വരുന്നത്. അഞ്ച് സ്പീഡ് മാനുവല്‍ ട്രാന്‍സ്മിഷനുമായി ഇതിനെ ബന്ധിപ്പിച്ചിട്ടുണ്ട്. 102 bhp കരുത്തും 139 Nm torque ഉം ഉല്‍പ്പാദിപ്പിക്കാന്‍ കഴിയുന്ന തരത്തിലാണ് മോട്ടോര്‍ ക്രമീകരിച്ചിരിക്കുന്നത്. ആറ് സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക്, സിഎന്‍ജി പതിപ്പുകളും റൂമിയോണ്‍ ശ്രേണിയില്‍ വാഗ്ദാനം ചെയ്യുന്നു.

ഹാലൊജന്‍ പ്രൊജക്ടര്‍ ഹെഡ്ലാമ്പുകള്‍, LED ടെയില്‍ ലൈറ്റുകള്‍, വീല്‍ കവറുകള്‍ ഉള്ള 15 ഇഞ്ച് സ്റ്റീല്‍ വീലുകള്‍, ഡ്യുവല്‍-ടോണ്‍ ഇന്റീരിയര്‍ തീം, ഫ്രണ്ട്, റിയര്‍ പവര്‍ വിന്‍ഡോകള്‍, ടില്‍റ്റ്-അഡ്ജസ്റ്റബിള്‍ സ്റ്റിയറിംഗ്, ആറ് എയര്‍ബാഗുകള്‍, ഉയരം ക്രമീകരിക്കാവുന്ന ഫ്രണ്ട് സീറ്റ് ബെല്‍റ്റുകള്‍, EBD ഉള്ള ABS, ESP, HHC എന്നിവയാണ് പുതിയ വേരിയന്റിന്റെ പ്രധാന സവിശേഷതകള്‍. ട വേരിയന്റുമായി താരതമ്യപ്പെടുത്തുമ്പോള്‍, 95,500 രൂപയുടെ വില വ്യത്യാസം ഉണ്ട്. അതുകൊണ്ട് തന്നെ ചില ഫീച്ചറുകള്‍ ബേസ് വേരിയന്റില്‍ ഒഴിവാക്കിയിട്ടുണ്ട്.