എണ്ണവില നൂറ് ഡോളറിലേക്ക്; തുടര്‍ച്ചയായ മൂന്നാം ദിവസവും കൂപ്പുകുത്തി ഓഹരി വിപണി, രൂപയ്ക്കും നഷ്ടം
തുടര്‍ച്ചയായ മൂന്നാം ദിവസവും ഓഹരി വിപണിയില്‍ കനത്ത ഇടിവ്.
Sensex fallai image
Edited by :Dhanoj AM
Last Updated :9 സെപ്റ്റംബർ 2026, 10:18 am IST
മുംബൈ: തുടര്‍ച്ചയായ മൂന്നാം ദിവസവും ഓഹരി വിപണിയില്‍ കനത്ത ഇടിവ്. പശ്ചിമേഷ്യന്‍ സംഘര്‍ഷം മൂര്‍ച്ഛിക്കുന്നത് അടക്കമുള്ള ഘടകങ്ങളാണ് വിപണിയില്‍ പ്രതിഫലിക്കുന്നത്. വ്യാപാരത്തിന്റെ തുടക്കത്തില്‍ തന്നെ സെന്‍സെക്‌സ് 510 പോയിന്റ് ആണ് താഴ്ന്നത്. 75,000 എന്ന സൈക്കോളജിക്കല്‍ ലെവലിന് താഴെ പോകുമോ എന്ന ആശങ്കയിലാണ് നിക്ഷേപകര്‍.
അമേരിക്ക- ഇറാന്‍ സംഘര്‍ഷവും ഇറാനെ പിന്തുണയ്ക്കുന്ന യെമനിലെ ഹൂതികള്‍ സൗദി നഗരങ്ങള്‍ കേന്ദ്രീകരിച്ച് നടത്തിയ ആക്രമണങ്ങളുമാണ് എണ്ണവില ഉയരാന്‍ പ്രധാന കാരണം. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡ് വില ബാരലിന് നൂറ് ഡോളറിലേക്ക് അടുക്കുകയാണ്. എണ്ണവില ഉയരുന്നത് വ്യാപാര കമ്മി ഉയരാന്‍ ഇടയാക്കും.
കൂടാതെ ഡോളറിനെതിരെ രൂപയുടെ മൂല്യവും ഇടിഞ്ഞിട്ടുണ്ട്. ഇന്ന് വ്യാപാരത്തിന്റെ തുടക്കത്തില്‍ 21 പൈസയുടെ നഷ്ടമാണ് രൂപ നേരിട്ടത്. 94.95ലേക്കാണ് രൂപ താഴ്ന്നത്. ഇന്നലെ 18 പൈസയുടെ നഷ്ടത്തോടെ 94,74ലാണ് രൂപ ക്ലോസ് ചെയ്തത്. ഇതടക്കമുള്ള വിഷയങ്ങളാണ് ഓഹരി വിപണിയെ സ്വാധീനിക്കുന്നത്. ഇന്‍ഫോസിസ്, എച്ച്ഡിഎഫ്‌സി ലൈഫ്, ടെക് മഹീന്ദ്ര, എച്ച്‌സിഎല്‍ ടെക്, ടിസിഎസ് ഓഹരികളാണ് പ്രധാനമായി നഷ്ടം നേരിട്ടത്.
News Now
'ഇത്തിരി പോന്ന എന്റെ പിറകെ ആട്ടിന്‍ കുട്ടിയെപ്പോലെ അവന്‍ നടന്നു; ആ വീട്ടുകാര്‍ എങ്ങനെ സഹിക്കും'; പല്ലാട്ട് ബ്രഹ്മദത്തനെ ഓര്‍ത്ത് മീനാക്ഷി
'എന്നെ ഓര്‍മ്മിക്കാനായി... നന്ദിയോടെ'; അധ്യാപക ദിനത്തില്‍ 55 വര്‍ഷം പഴക്കമുള്ള ചിത്രം പങ്കിട്ട് യുഎഇ പ്രസിഡന്റ്
ലൈഫ് പദ്ധതി തുടരും; ലക്ഷ്യം ഭവനരഹിതരില്ലാത്ത കേരളമെന്ന് മുഖ്യമന്ത്രി
ഇത് ലൈംഗികാതിക്രമത്തിന് തുല്യം, മനുഷ്യനായി പരിഗണിക്കമെന്ന് ആവശ്യപ്പെടുന്നത് കൂടുതലാണോ?: ജാന്‍വി കപൂര്‍
Summary
Rupee falls 21 paise, Sensex down 600 pts, Nifty near 23,450: Surging crude prices among key factors
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
