മിഴിവാര്‍ന്ന ചിത്രങ്ങള്‍ക്ക് 200 എംപി കാമറ, സ്ലിം സൈസ്, വില കേട്ടാല്‍ ഞെട്ടും!; സാംസങ് ഗാലക്‌സി എസ്25 എഡ്ജ് ലോഞ്ച് മെയ് 13ന്

ന്യൂഡല്‍ഹി: കിംവദന്തികള്‍ക്ക് വിരാമമിട്ട് മെയ് 13ന് ഗാലക്‌സി എസ്25 എഡ്ജ് ആഗോളതലത്തില്‍ ലോഞ്ച് ചെയ്യുമെന്ന് പ്രമുഖ സ്മാര്‍ട്ട്‌ഫോണ്‍ കമ്പനി സാംസങ്. 200 എംപി മെയ്ന്‍ കാമറയാണ് ഫോണിന്റെ ഏറ്റവും വലിയ പ്രത്യേകത. കൂടാതെ ഇത് ഒരു സ്ലിം സ്മാര്‍ട്ട്ഫോണ്‍ ആയിരിക്കുമെന്നും കമ്പനി സ്ഥിരീകരിച്ചു.

ഈ വര്‍ഷം ആദ്യം നടന്ന ഗാലക്സി അണ്‍പാക്ക്ഡ് ഇവന്റില്‍ സാംസങ് ഗാലക്സി എസ് 25 എഡ്ജ് പ്രദര്‍ശിപ്പിച്ചിരുന്നു. 120Hz റിഫ്രഷ് റേറ്റുള്ള 6.7 ഇഞ്ച് (2400 x 1080 പിക്സല്‍) FHD+ സൂപ്പര്‍ അമോലെഡ് ഡിസ്പ്ലേ, സ്നാപ്ഡ്രാഗണ്‍ 8 എലൈറ്റ് ചിപ്പ്‌സെറ്റ്, 12GB റാമും 256GB / 512GB സ്റ്റോറേജ് ഓപ്ഷനും, ISOCELL HP2 സെന്‍സറുള്ള 200MP പ്രധാന കാമറ, 12MP അള്‍ട്രാ-വൈഡ് കാമറ എന്നിവ ഉള്‍പ്പെടുന്ന ഡ്യുവല്‍ റിയര്‍ കാമറകള്‍ എന്നിവയാണ് ഫോണിന്റെ ഫീച്ചറുകള്‍.

'എടിഎമ്മില്‍ കാര്‍ഡ് ഇടുന്നതിന് മുന്‍പ് രണ്ടു തവണ കാന്‍സല്‍ ബട്ടണ്‍ അമര്‍ത്തുക!, പിന്‍ തട്ടിപ്പില്‍ നിന്ന് രക്ഷ നേടാം': സത്യാവസ്ഥ എന്ത്?

ട25ലേതിന് സമാനമായി 25W ഫാസ്റ്റ് ചാര്‍ജിങ്ങിനുള്ള പിന്തുണയുള്ള 3900mAh ബാറ്ററിയാണ് ഈ ഫോണിലും പ്രതീക്ഷിക്കുന്നത്. ടൈറ്റാനിയം ജെറ്റ് ബ്ലാക്ക്, ടൈറ്റാനിയം സില്‍വര്‍, ടൈറ്റാനിയം ഐസി ബ്ലൂ എന്നി നിറങ്ങളില്‍ ഫോണ്‍ ലഭ്യമാകുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. 256GB പതിപ്പിന് ഏകദേശം 1,17,680 രൂപ വില വരുമെന്നാണ് സൂചന. ഗാലക്‌സി S25+ നും ട25 അള്‍ട്രായ്ക്ക് ഇടയിലുള്ള ഫോണായി ഇത് വിപണിയില്‍ അവതരിപ്പിക്കാനാണ് കമ്പനി ലക്ഷ്യമിടുന്നതെന്നും റിപ്പോര്‍ട്ടുകള്‍ വ്യക്തമാക്കുന്നു.