'ബ്രെറ്റ്- 2025'; 250 പേർക്ക് വരെ ഫെലോഷിപ്പ്, അപേക്ഷകൾ നവംബർ 21 സമർപ്പിക്കാം

ബയോമെഡിക്കൽ മേഖലയിൽ ഫെലോഷിപ്പോടെ ഗവേഷണം നടത്തുന്നതിനുള്ള പ്രവേശന പരീക്ഷയായ ഡി എച്ച് ആർ – ബ്രെറ്റ് 2025 ന് അപേക്ഷകൾ സമർപ്പിക്കാം. ഡൽഹി എയിംസിലെ പരീക്ഷാ വിഭാഗം നടത്തുന്ന പരീക്ഷയ്ക്ക് കേരളത്തിലടക്കം പരീക്ഷ കേന്ദ്രങ്ങളുണ്ട്. ഈ പരീക്ഷയിലൂടെ 250 പേർക്ക് ഫെലോഷിപ്പ് ലഭികുമെന്നാണ് റിപ്പോർട്ട്.

പരീക്ഷ സംബന്ധിച്ച വിശദാംശങ്ങൾ aiimsexams.ac.in എന്ന വെബ്‌സൈറ്റിൽ ലഭ്യമാണ്. ഓൺലൈൻ അപേക്ഷ സമർപ്പിക്കാനുള്ള അവസാന സമയം നവംബർ 21 വൈകിട്ട് 5 മണി വരെ.

യോഗ്യത

മൈക്രോബയോളജി, ബയോകെമിസ്ട്രി, ജനറ്റിക്സ്, ബയോടെക്നോളജി, ബയോഫിസിക്സ്, ബയോഇൻഫർമാറ്റിക്സ്, ഫുഡ് ആൻഡ് ന്യൂട്രീഷൻ, ലൈഫ് സയൻസസ്, സുവോളജി, ബോട്ടണി, ബയോമെഡിക്കൽ / ഫൊറൻസിക് / എൻവയൺമെന്റൽ / വെറ്ററിനറി / ന്യൂറോ / ഫാർമസ്യൂട്ടിക്കൽ സയൻസസ്, മോളിക്യുലർ ബയോളജി, ഇക്കോളജി, ഇമ്യൂണോളജി, നഴ്സിങ്, ബയോസ്റ്റാറ്റിസ്റ്റിക്സ്, ഫാർമക്കോളജി, പബ്ലിക് ഹെൽത്ത് തുടങ്ങിയ വിഷയങ്ങളിൽ ഏതെങ്കിലും ഒന്നിൽ കുറഞ്ഞത് 55% മാർക്ക് ലഭിച്ച എം.എസ്.സി/എം.ടെക്/എം.ഫാം അല്ലെങ്കിൽ തത്തുല്യ പോസ്റ്റ്‌ഗ്രാജുവേറ്റ് യോഗ്യതയുള്ളവർക്ക് അപേക്ഷിക്കാം.

പട്ടികജാതി, ഭിന്നശേഷി വിഭാഗങ്ങൾക്ക് 50% മാർക്ക് മതി. ഫൈനൽ സെമസ്റ്റർ വിദ്യാർത്ഥികളെയും പരിഗണിക്കും.

പ്രായപരിധി

• അപേക്ഷകന്റെ പ്രായം 35 വയസ്സ് കവിയരുത്.

• സ്ത്രീകൾക്കും പട്ടിക/ഭിന്നശേഷി വിഭാഗങ്ങൾക്കും: 40 വയസ്സ്

പരീക്ഷ വിശദാംശങ്ങൾ

കംപ്യൂട്ടർ അധിഷ്ഠിത പരീക്ഷ ഡിസംബർ 7ന് നടക്കും.

• 150 ഒബ്ജക്റ്റീവ് ചോദ്യങ്ങൾക്ക് 180 മിനിറ്റ്

• തെറ്റായ ഉത്തരങ്ങൾക്ക് നെഗറ്റീവ് മാർക്കിംഗ് ഉണ്ടാകും

അപേക്ഷാഫീസ്

• പൊതുവിഭാഗം: 2000 രൂപ

• SC/EWS/OBC വിഭാഗം: 1600 രൂപ

• ഭിന്നശേഷിക്കാർക്ക് ഫീസ് ഇല്ല

അപേക്ഷകർക്ക് ‘My Page’ ഡാഷ്ബോർഡ് വഴിയോ 1800 11 7898 എന്ന ടോൾ–ഫ്രീ നമ്പറിലോ സംശയങ്ങൾ ചോദിക്കാം. ഔദ്യോഗിക വിജ്ഞാപനവും അപേക്ഷാ ലിങ്കുകളും വെബ്‌സൈറ്റിലെ Academic Courses → Doctoral → BRET വിഭാഗത്തിൽ ലഭ്യമാണ്.