കൂടുതല്‍ റിയലിസ്റ്റിക് ചിത്രങ്ങള്‍, ഫോര്‍കെ വിഡിയോ റെക്കോര്‍ഡിങ്; വിവോ എക്‌സ്500 സീരീസ് ലോഞ്ച് സെപ്റ്റംബര്‍ 21ന്
സ്മാര്‍ട്ട്‌ഫോണ്‍ പ്രേമികള്‍ കാത്തിരിക്കുന്ന, പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ വിവോയുടെ എക്‌സ്500 സീരീസിന്റെ ലോഞ്ച് തീയതി കമ്പനി പ്രഖ്യാപിച്ചു
Vivo X500 5G Series source: vivo
Edited by :Dhanoj AM
Last Updated :9 സെപ്റ്റംബർ 2026, 12:19 pm IST
ന്യൂഡല്‍ഹി: സ്മാര്‍ട്ട്‌ഫോണ്‍ പ്രേമികള്‍ കാത്തിരിക്കുന്ന, പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ വിവോയുടെ എക്‌സ്500 സീരീസിന്റെ ലോഞ്ച് തീയതി കമ്പനി പ്രഖ്യാപിച്ചു. ചൈനയില്‍ സെപ്റ്റംബര്‍ 21നാണ് ഈ പുതിയ ഫോണുകള്‍ കമ്പനി അവതരിപ്പിക്കുന്നത്. തുടക്കത്തില്‍ ചൈനയില്‍ മാത്രമാണ് ഈ ഉല്‍പ്പന്നങ്ങള്‍ ലഭിക്കുക. ഏതാനും മാസങ്ങള്‍ക്ക് ശേഷം മാത്രമേ ഇന്ത്യ ഉള്‍പ്പെടെയുള്ള ആഗോള വിപണിയില്‍ പുതിയ ഫോണുകള്‍ എത്തുകയുള്ളൂ.
വിവോ എക്‌സ്500 സീരീസില്‍ മൂന്ന് ഫോണുകളാണ് ഉള്‍പ്പെടുത്തിയിരിക്കുന്നത്. സ്റ്റാന്‍ഡേര്‍ഡ് എക്‌സ്500, എക്‌സ്500 പ്രോ, എക്‌സ്500 പ്രോ മാക്‌സ് എന്നി മോഡലുകളാണ് വിപണിയില്‍ എത്താന്‍ പോകുന്നത്. പ്രോ മോഡലുകളുമായി ബന്ധപ്പെട്ട് ചില വിശദാംശങ്ങള്‍ കമ്പനി പുറത്തുവിട്ടിട്ടുണ്ട്.
രണ്ടു പ്രോ മോഡലുകളും കൂടുതല്‍ റിയലിസ്റ്റിക് ചിത്രങ്ങള്‍ പകര്‍ത്താന്‍ ശേഷിയുള്ള എച്ച്ഡിആര്‍ ടെക്‌നോളജിയിലാണ് വരുന്നത്. ഇതിന് 120എഫ്പിഎസ് വേഗത്തില്‍ ഫോര്‍കെ വിഡിയോ റെക്കോര്‍ഡിങ്ങിനെ സപ്പോര്‍ട്ട് ചെയ്യാന്‍ സാധിക്കും. പ്രോ മാക്‌സ് മോഡലില്‍ 200 എംപി ടെലിഫോട്ടോ സെന്‍സര്‍ ഉണ്ടാകും. പുതിയ ക്യൂ11 ലൂമിസെന്റ് മെറ്റീരിയലോട് കൂടിയ 6.85 ഇഞ്ച് ബിഒഇ 2കെ സീസ് മാസ്റ്റര്‍ കളര്‍ ഡിസ്‌പ്ലേയിലാണ് പ്രോ മാക്‌സ് വരുന്നത്.
മീഡിയാടെക് ഡൈമന്‍സിറ്റി 9600 പ്രോ ചിപ്പ് ആണ് ഇതിന് കരുത്തുപകരുക. സീരീസിലെ ഏറ്റവും കരുത്തുറ്റ ഫോണാണ് പ്രോ മാക്‌സ്. ഡിസൈനിനും പവറിനും പുറമേ കാമറയ്ക്കും കൂടുതല്‍ പ്രാധാന്യം നല്‍കുന്നതാണ് എക്‌സ്500 സീരീസ്. ഏറ്റവും വലിയ കാമറ ഐലന്‍ഡ് ആണ് പ്രോ മാസ്‌കിന്റെ പിന്നില്‍ പ്രതീക്ഷിക്കുന്നത്. കാമറയുടെ ലെന്‍സിന്റെ വലിപ്പം ഇതിന് ഉണ്ടാവുമെന്നാണ് കരുതുന്നത്. പുതിയ സീരീസിന്റെ ഡിസൈന്‍ ഇതുവരെ കമ്പനി വെളിപ്പെടുത്തിയിട്ടില്ല.
News Now
ചന്ദ്രനില്‍ ആണവ റിയാക്ടറുകള്‍ സ്ഥാപിക്കാന്‍ അമേരിക്കയും ചൈനയും റഷ്യയും; റിപ്പോര്‍ട്ട്
കളങ്കാവലിന് ശേഷം ജിതിന്‍ കെ ജോസ്; ജയസൂര്യ ചിത്രം 'മായന്‍' പൂര്‍ത്തിയായി; റിലീസ് ഡിസംബര്‍ 3 ന്
റഷ്യയിൽ ലാബ് ടെക്നീഷ്യൻ പ്ലേഗ് ബാധിച്ച് മരിച്ചതായി സംശയം: 5 ആശുപത്രികൾ അടപ്പിച്ചു; ഇരുനൂറിലേറെ പേർ ക്വാറന്റീനിൽ
മകളുടെ വിദ്യാഭ്യാസത്തിന് 72 ലക്ഷം രൂപ സമ്പാദിക്കാം, ഗ്യാരണ്ടീഡ് റിട്ടേണ്‍; ചെയ്യേണ്ടത് ഇത്രമാത്രം
Summary
Vivo X500 5G Series Launch Date Confirmed
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
