7200 എംഎഎച്ച് കരുത്തുറ്റ ബാറ്ററി, ഡ്യുവല്‍ കാമറ; വിവോ വൈ31ടി വിപണിയില്‍
പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ വിവോ തങ്ങളുടെ വൈ സീരീസ് വിപുലീകരിച്ച് വൈ31ടി ഇന്ത്യന്‍ വിപണിയില്‍ അവതരിപ്പിച്ചു
Vivo Y31t launched source: Vivo
Edited by :Dhanoj AM
Last Updated :29 ഓഗസ്റ്റ് 2026, 10:11 pm IST
ന്യൂഡല്‍ഹി: പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ വിവോ തങ്ങളുടെ വൈ സീരീസ് വിപുലീകരിച്ച് വൈ31ടി ഇന്ത്യന്‍ വിപണിയില്‍ അവതരിപ്പിച്ചു. വൈ31 ലൈനപ്പില്‍ വരുന്ന ഫോണിന്റെ ഏറ്റവും വലിയ പ്രത്യേകത ബാറ്ററിയാണ്. 7200 എംഎഎച്ച് കരുത്തുറ്റ ബാറ്ററിയോടെയാണ് ഫോണ്‍ വിപണിയില്‍ എത്തിയത്. 44w വയേര്‍ഡ് ഫാസ്റ്റ് ചാര്‍ജിങ്ങിനെ പിന്തുണയ്ക്കുന്ന ബാറ്ററിയാണ് ഫോണ്‍ വാഗ്ദാനം ചെയ്യുന്നത്.
6.75 ഇഞ്ച് എച്ച്ഡി പ്ലസ് എല്‍സിഡി ഡിസ്‌പ്ലേയും 256 ജിബി വരെ ഇന്റേണല്‍ സ്റ്റോറേജുമാണ് ഫോണിന്റെ മറ്റു പ്രത്യേകതകള്‍. 120hz റിഫ്രഷ് റേറ്റും 1250 നിറ്റ്‌സ് ബ്രൈറ്റ്‌നസുമാണ് ഡിസ്‌പ്ലേക്ക് ഉള്ളത്. ക്വാല്‍കോമിന്റെ സ്‌നാപ്ഡ്രാഗണ്‍ 4 ജെന്‍ 2 ചിപ്‌സെറ്റാണ് ഇതിന് കരുത്തുപകരുന്നത്. ആറു ജിബി വരെ റാമുള്ള ഈ ഫോണിന് ഡ്യുവല്‍ കാമറ സജ്ജീകരണമാണുള്ളത്. 50 എംപി പ്രൈമറി ഷൂട്ടറും രണ്ടു എംപി സെന്‍സറുമാണ് പിന്നിലുള്ളത്. സെല്‍ഫികള്‍ക്കും വിഡിയോ കോളുകള്‍ക്കുമായി മുന്നില്‍ എട്ട് എംപി കാമറയും നല്‍കിയിട്ടുണ്ട്.
സൈഡ് മൗണ്ട് ചെയ്ത ഫിംഗര്‍ പ്രിന്റ് സ്‌കാനറും ഫെയ്‌സ് അണ്‍ലോക്ക് പിന്തുണയും ഇതിലുണ്ട്. ക്രിംസണ്‍ റെഡ്, ഗോള്‍ഡന്‍ മിസ്റ്റ്, സീഷോര്‍ എന്നി മൂന്ന് കളര്‍ ഓപ്ഷനുകളില്‍ ഫോണ്‍ ലഭ്യമാകും.25,999 രൂപ മുതലാണ് വില വരുന്നത്. ഫ്‌ലിപ്പ്കാര്‍ട്ട്, വിവോ ഇന്ത്യ ഓണ്‍ലൈന്‍ സ്‌റ്റോര്‍, മറ്റ് ഓഫ്‌ലൈന്‍ റിട്ടെയില്‍ ഷോപ്പുകള്‍ എന്നിവയില്‍ ഫോണ്‍ ലഭ്യമാകും.
News Now
വാട്‌സ്ആപ്പില്‍ പുത്തന്‍ ഫീച്ചര്‍; എന്താണ് 'റെസ്ട്രിക്റ്റഡ് ചാറ്റ്' ഫീച്ചര്‍, എങ്ങനെ ഉപയോഗിക്കാം
അമേരിക്കന്‍ കേന്ദ്ര ബാങ്ക് പലിശനിരക്ക് കൂട്ടുമോ?, സെന്‍സെക്‌സ് 400 പോയിന്റ് കുതിച്ചു; എണ്ണവില 101 ഡോളറിന് മുകളില്‍ തന്നെ
ജനപ്രതിനിധികളും ഒപ്പം ചാടട്ടെ; 'കുളമാക്കി' എംഎല്‍എയുടെ ഉദ്ഘാടനം
72 ഭൂരഹിത കുടുംബങ്ങളുടെ സ്വന്തം വീടെന്ന സ്വപ്നം പെരുവഴിയിൽ: കോഴിക്കോട് നടുവണ്ണൂർ ലൈഫ് മിഷൻ പദ്ധതി 5 വർഷമായി സ്തംഭനാവസ്ഥയിൽ
Summary
Vivo Y31t launched in India
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
