പ്രമേഹരോ​ഗികൾ എപ്പോള്‍ വാഴപ്പഴം കഴിക്കണം?

പ്രമേഹ രോ​ഗികൾ വാഴപ്പഴത്തെ പേടിക്കേണ്ടതുണ്ടോ? പൊട്ടാസിയം, കാൽസ്യം, മ​ഗ്നീഷ്യം തുടങ്ങി നിരവധി പോഷകങ്ങളും ധാതുക്കളും അടങ്ങിയതാണ് വാഴപ്പഴം. ഇത് എല്ലുകളുടെ സാന്ദ്രത നിലനിർത്താനും ഹൃദയാരോ​ഗ്യം മെച്ചപ്പെടുത്താനും ഊർജ്ജത്തിന്റെ തോത് കൂട്ടാനും സഹായിക്കും.

എന്നാല്‍ ഇവയില്‍ അടങ്ങിയ കാര്‍ബോഹൈഡ്രേറ്റുകള്‍ രക്തത്തില്‍ ഷുഗര്‍ സ്പൈക്ക് ഉണ്ടാക്കുമെന്ന ധാരണയിലാണ് വാഴപ്പഴത്തെ ആളുകള്‍, പ്രത്യേകിച്ച പ്രമേഹ രോഗകള്‍ ഡയറ്റില്‍ നിന്ന് മാറ്റി നിര്‍ത്തുന്നത്. എന്നാല്‍ ഇതില്‍ അടങ്ങിയ നാരുകള്‍ രക്തത്തിലേക്ക് പഞ്ചസാരയുടെ ആഗിരണം മന്ദഗതിയിലാക്കും. ഇത് രക്തത്തിലെ ഗ്ലൂക്കോസ് സ്പൈക്ക് തടസയാൻ സഹായിക്കും. മിതത്വം പാലിക്കുക എന്നതാണ് പ്രധാനം.

പ്രമേഹ രോഗികള്‍ എപ്പോള്‍ വാഴപ്പഴം കഴിക്കണം?

പ്രധാന ഭക്ഷണങ്ങള്‍ക്കിടയില്‍ ലഘുഭക്ഷണമായി വാഴപ്പഴം കഴിക്കുന്നത് സുരക്ഷിതമായ ശീലമാണ്. ഇതിലൂടെ കലോറി കത്തിക്കാന്‍ ശരീരത്തിന് സമയം നല്‍കുന്നു. ഇത് പ്രമേഹ രോഗികള്‍ക്ക് സുരക്ഷിതമാണ്.

വാഴപ്പഴത്തില്‍ അടങ്ങിയ നാരുകള്‍

ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്കും പഴം ഡയറ്റില്‍ ഉള്‍പ്പെടുത്താം. ഇതില്‍ അടങ്ങിയിരിക്കുന്ന നാരുകള്‍ മെറ്റബോളിസം മെച്ചപ്പെടുത്തുന്നതിലൂടെ ശരീരഭാരം കുറയ്ക്കാന്‍ സഹായിക്കുന്നു. കൂടാതെ മധുരപലഹാരങ്ങളോടുള്ള ആസക്തി കുറയ്ക്കാനും സഹായിക്കും.

പൊട്ടാസ്യം

100 ഗ്രാം വാഴപ്പഴത്തിൽ ഏകദേശം 358 മില്ലിഗ്രാം പൊട്ടാസ്യം അടങ്ങിയിട്ടുണ്ട്. ഇത് പേശികളുടെ ആരോഗ്യകരമായ പ്രവർത്തനത്തെയും ശരീരത്തിലെ ദ്രാവക സന്തുലിതാവസ്ഥയെയും പിന്തുണയ്ക്കുന്നു. പതിവായി വ്യായാമം ചെയ്യുന്ന പ്രമേഹരോഗികൾക്ക്, മലബന്ധം തടയുന്നതിനും വിയർപ്പിന് ശേഷം ഇലക്ട്രോലൈറ്റുകൾ പുനഃസ്ഥാപിക്കുന്നതിനും വാഴപ്പഴം ഉപയോഗപ്രദമാണ്.

വിറ്റാമിനുകളും ആന്റിഓക്‌സിഡന്റുകളും

വാഴപ്പഴത്തിൽ വിറ്റാമിൻ സി, വിറ്റാമിൻ ബി6, ആന്റിഓക്‌സിഡന്റുകൾ എന്നിവ ധാരാളം അടങ്ങിയിട്ടുണ്ട്. ഈ പോഷകങ്ങൾ പ്രതിരോധശേഷിയെയും മൊത്തത്തിലുള്ള ആരോഗ്യത്തെയും പിന്തുണയ്ക്കുന്നു.

മാനസികാവസ്ഥയെ പിന്തുണയ്ക്കുന്നു

വാഴപ്പഴത്തിൽ വിറ്റാമിൻ ബി6 അടങ്ങിയിട്ടുണ്ട്, ഇത് ശരീരത്തെ സെറോടോണിൻ ഉത്പാദിപ്പിക്കാൻ സഹായിക്കുന്നു. ഇത് മാനസികാരോഗ്യത്തെ പിന്തുണയ്ക്കുകയും ക്ഷോഭവും ക്ഷീണവും കുറയ്ക്കുകയും ചെയ്യും. പ്രമേഹരോഗികൾക്ക്, സമ്മർദവും മാനസികാവസ്ഥയും നിയന്ത്രിക്കുന്നത് മികച്ച രക്തത്തിലെ പഞ്ചസാര നിയന്ത്രണത്തിന് സഹായിക്കും.