തലയിണയ്ക്കടിയില്‍ ഉഗ്ര വിഷമുള്ള കേപ് കോബ്ര-വിഡിയോ

കേപ്ടൗണ്‍: തലയിണയിണയിലും സോഫയിലുമൊക്കെ പാമ്പുകളെ കണ്ടെത്തിയ വാര്‍ത്തകള്‍ മുമ്പും വന്നിട്ടുണ്ട്. ഇപ്പോഴിതാ ആഫ്രിക്കയിലെ സ്റ്റെല്ലെന്‍ബോഷ് എന്ന സ്ഥലത്തുള്ള ഒരു വീട്ടിലെ ബെഡില്‍ വെച്ചിരിക്കുന്ന തലയിണയ്ക്കടിയില്‍ നിന്നും ഉഗ്ര വിഷമുള്ള കേപ് കോബ്ര എന്ന പാമ്പിനെ കണ്ടെത്തുകയായിരുന്നു. ദക്ഷിണാഫ്രിക്കയിലും സമീപ പ്രദേശങ്ങളിലും കാണപ്പെടുന്ന ഒരിനം മൂര്‍ഖന്‍ പാമ്പാണ് കേപ് കോബ്ര.

കണ്ടെത്തിയ ഉടന്‍ തന്നെ പാമ്പ് പിടുത്തക്കാരെ വിവരമറിയിച്ചു. പാമ്പ് പിടുത്തക്കാരന്‍ തലയിണക്കടിയില്‍ നിന്നും പാമ്പിനെ പിടിക്കുന്ന വിഡിയോ സോഷ്യല്‍ മീഡിയയില്‍ വൈറലാണ്.

കടലില്‍ വീണാല്‍ മണിക്കൂറുകള്‍ക്കുള്ളില്‍ അലിഞ്ഞ് തീരും, മണ്ണിന് ഫലഭൂയിഷ്ടിയുണ്ടാക്കും; ബയോ ഡീഗ്രെയ്ഡബിള്‍ പ്ലാസ്റ്റിക് രൂപപ്പെടുത്തി ഗവേഷകര്‍

ദക്ഷിണാഫ്രിക്കയില്‍ പാമ്പ് കടിയേല്‍ക്കുന്നതിലധികവും കേപ് കോബ്രയുടേതാണ്. കടിയേറ്റാല്‍ ഉടന്‍ തന്നെ വൈദ്യ സഹായം നല്‍കിയില്ലെങ്കില്‍ മരണം ഉറപ്പാണ്. ഫ്രീ സ്റ്റേറ്റ്, നോര്‍ത്ത് വെസ്റ്റ്, തെക്കന്‍ ബോട്‌സാന, നമീബിയ എന്നിവിടങ്ങളിലാണ് ഇവ കാണപ്പെടുന്നത്.