മണ്ഡപത്തില്‍ വച്ച് വധുവിനെ ഒറ്റകൈ കൊണ്ട് കറക്കി വരന്‍, ലഹങ്കയില്‍ ചവിട്ടി നേരെ നിലത്തേക്ക്; വിഡിയോ വൈറല്‍ 

വിവാഹചിത്രങ്ങളും വിഡിയോകളുമൊക്കെ സോഷ്യല്‍ മീഡിയയില്‍ നിറയുന്നത് ഇപ്പോ ഒരു പുതിയകാര്യമല്ല. ചെക്കനും പെണ്ണും വീട്ടുകാരും സുഹൃത്തുക്കളുമൊക്കെയായി എങ്ങും ചിരിക്കുന്ന ധാരാളം മുഖങ്ങള്‍ കാണാം. എന്നാല്‍ പതിവായി കണ്ടുവരുന്ന വൈറല്‍ കല്യാണ വിഡിയോകളില്‍ നിന്ന് വ്യത്യസ്തമായ ഒന്നാണ് ഇപ്പോള്‍ വൈറലാകുന്നത്. ഫോട്ടോഷൂട്ടിനിടയിലുണ്ടായ രസകരമായ സംഭവമാണ് വിഡിയോയിലുള്ളത്. 

വധുവിന്റെ ലെഹങ്കയില്‍ ചവിട്ടി ഫോട്ടോഷൂട്ടിനിടയില്‍ നിലത്തേക്ക് വീഴുന്നതാണ് വിഡിയോയില്‍ കാണാനാകുക. ജയ്പ്പൂര്‍ പ്രീ വെഡ്ഡിങ്‌സ് എന്ന ഇന്‍സ്റ്റഗ്രാം പേജിലാണ് വിഡിയോ പങ്കുവച്ചിരിക്കുന്നത്. പരമ്പരാഗത വിവാഹ വേഷങ്ങളണിഞ്ഞ് നില്‍ക്കുന്ന വരനും വധുവും  വിഡിയോയ്ക്ക് വേണ്ടി ചുവടുവയ്ക്കുകയായിരുന്നു. വധുവിനെ ഒരു കൈകൊണ്ട് കറക്കിക്കൊണ്ടിരിക്കുമ്പോഴാണ് അപ്രതീക്ഷിതമായി വരന്‍ ലെഹങ്കയില്‍ ചവിട്ടിയത്. ബാലന്‍ തെറ്റി വധു നിലത്തുവീണു. വരനും ബാലന്‍സ് കണ്ടെത്താന്‍ ബുദ്ധിമുട്ടുന്നത് വിഡിയോയില്‍ കാണാം. 

ഫോളന്‍ ഇന്‍ ലവ്, ഇതിപ്പോ പുതിയ ടെന്‍ഷനായല്ലോ! എന്നെല്ലാമാണ് കമന്റുകള്‍.

ഈ വാര്‍ത്ത കൂടി വായിക്കൂ 

2022ലെ 'രാജാവ്' പൊറോട്ട, ബിരിയാണിയെ കടത്തിവെട്ടി മുന്നേറ്റം; മൂന്നാമതെത്തി ഇടിയപ്പം 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ