പാര്‍ലെ പരസ്യത്തിലെ 'അപ്പൂപ്പന്‍'; സുധാ ചന്ദ്രന്റെ പിതാവ്‌ അന്തരിച്ചു 

കൊച്ചി:  നടൻ കെ ഡി ചന്ദ്രന്‍ (84) അന്തരിച്ചു. ഹൃദയാഘാതത്തെതുടർന്ന് മുംബൈയില്‍ വച്ചായിരുന്നു അന്ത്യം. സിനിമകൾക്ക് പുറമേ നാടകങ്ങളിലും അഭിനയിച്ചിട്ടുണ്ട്. നടിയും നര്‍ത്തകിയുമായ സുധാ ചന്ദ്രന്റെ പിതാവാണ്. 

പാര്‍ലെ-ജി ബിസ്‌കറ്റ് പരസ്യത്തിലെ അപ്പൂപ്പന്‍ കഥാപാത്രം അവതരിപ്പിച്ചത് ചന്ദ്രനാണ്. ജൂനൂന്‍, തേരെ മേരെ സപ്നേ, ഹര്‍ ദില്‍ ജോ പ്യാര്‍ കരേഖാ, കോയി മില്‍ ഗയ തുടങ്ങി നിരവധി സിനിമകളിൽ അഭിനയിച്ചിട്ടുണ്ട്. ഗുല്‍മോഹർ എന്ന സീരിയലിലും വേഷമിട്ടു. 

ഇരിങ്ങാലക്കുട കിഴക്കൂട്ട് മഠം കുടുംബാംഗമാണ് ചന്ദ്രന്‍.