തെന്നിന്ത്യന്‍ സിനിമയിലെ മുന്‍നിര നായികയാണ് മീന. ബാലതാരമായി സിനിമയിലെത്തിയ മീന അതിവേഗം തെന്നിന്ത്യയിലെ സൂപ്പര്‍ താര നായികയായി വളരുകയായിരുന്നു. തെന്നിന്ത്യന്‍ സിനമയിലെ എല്ലാ ഇന്‍ഡസ്ട്രിയിലേയും സൂപ്പര്‍ താരങ്ങളുടെ കൂടെ മീന അഭിനയിച്ചിട്ടുണ്ട്. തനിക്കൊപ്പം നായികയായി കരിയര്‍ ആരംഭിച്ച പലരും സഹതാരങ്ങളിലേക്ക് ചുവടുമാറിയപ്പോഴും നായികയായി തുടരുകയാണ് മീന.

ചെന്നൈയിലെ തന്റെ വീട് മീന വിറ്റുവെന്നാണ് പുതിയ വാര്‍ത്തകള്‍. ചെന്നൈയിലെ കുടുംബവീട് മീന കോടികള്‍ക്ക് വിറ്റുവെന്ന വാര്‍ത്ത സോഷ്യല്‍ മീഡിയിയല്‍ ചര്‍ച്ചയായി മാറുകയാണ്. പത്ത് കോടിയോളം രൂപയ്ക്കാണ് മീന ഈ വീട് നിര്‍മിച്ചത്. വിറ്റതാകട്ടെ 100 കോടി രൂപയ്ക്കാണെന്നാണ് ചര്‍ച്ചകള്‍ പറയുന്നത്. അമേരിക്കയില്‍ നിന്നുള്ള വിദേശ ദമ്പതികളാണ് നടിയുടെ വീട് വാങ്ങിയതെന്നും റിപ്പോര്‍ട്ടുകള്‍ പറയുന്നു.

വാര്‍ത്തകളോട് മീന ഇതുവരേയും പ്രതികരിച്ചിട്ടില്ലെങ്കിലും, സോഷ്യല്‍ മീഡിയ പ്ലാറ്റ്‌ഫോമുകളിലും തമിഴ് മാധ്യമങ്ങളിലും കച്ചവടത്തെ സംബന്ധിച്ച വാര്‍ത്തകളും ചര്‍ച്ചകളും സജീവമാണ്. മീനയും മകള്‍ നൈനികയും ഭര്‍ത്താവ് സാഗറും താമസിച്ചിരുന്ന വീടാണ് താരം വിറ്റതായി പറയപ്പെടുന്നത്. 2022 ലാണ് മീനയുടെ ഭര്‍ത്താവ് സാഗര്‍ മരണപ്പെടുന്നത്.

വലിയ ഗേറ്റും കോമ്പൗണ്ടുമുള്ള കൊട്ടാരസമാനമായ വീടാണ് മീനയുടേത്. ചെന്നൈ നഗരത്തില്‍ കേരള ശൈലിയിലാണ് മീന വീടൊരുക്കിയിട്ടുള്ളത്. മീനയുടെ അമ്മ രാജമല്ലിക കണ്ണൂര്‍ സ്വദേശിനിയാണ്. കേരളവുമായുള്ള മീനയുടെ അമ്മ ബന്ധം വീടിന്റെ ഡിസൈനില്‍ നിന്നു തന്നെ വ്യക്തമാകുന്നതാണ്. 20 വര്‍ഷം മുമ്പാണ് മീന ഈ വീട് നിര്‍മിച്ചത്. നിര്‍മാണം പൂര്‍ത്തിയാക്കാന്‍ മീനയ്ക്ക് ലോണെടുക്കേണ്ടി വന്നിരുന്നതായും റിപ്പോര്‍ട്ടുകള്‍ പറയുന്നു.

അതേസമയം ദൃശ്യം 3യാണ് മീനയുടേതായി റിലീസ് കാത്തു നില്‍ക്കുന്ന സിനിമ. ആരാധകര്‍ ആകാംക്ഷയോടെ കാത്തിരിക്കുന്ന ചിത്രമാണിത്. ജീത്തു ജോസഫ് അവതരിപ്പിച്ച റോസ്ലിന്‍ എന്ന സീരീസിലാണ് മീനയെ ഒടുവിലായി കണ്ടത്. അമ്മയുടെ പാതയിലൂടെ മകള്‍ നൈനികയും ക്യാമറയ്ക്ക് മുമ്പിലെത്തിയിരുന്നു.