ബോളിവുഡിൽ ഏറ്റവും ആരാധകരുള്ള താരമാണ് സണ്ണി ലിയോണി. ആരാധകർക്കായി തന്റെ വിശേഷങ്ങൾ താരം സോഷ്യൽ മീഡിയയിൽ പങ്കുവെക്കാറുണ്ട്. സണ്ണി പോസ്റ്റ് ചെയ്ത ഒരു വിഡിയോ ആണ് ഇപ്പോൾ ആരാധകരുടെ മനസു കീഴടക്കുന്നത്. താരം മരം കയറുന്നതാണ് വിഡിയോയിലുള്ളത്. 

ചെറിയ കുട്ടിയെപ്പോലെ മരത്തിൽ കയറി ഒരു കൊമ്പിൽ ചാരിക്കിടന്ന് വിശ്രമിക്കുന്ന സണ്ണിയാണ് വിഡിയോയിൽ. ഈ സമയം സുഹൃത്തുക്കളും താരത്തിനൊപ്പമുണ്ടായിരുന്നു. മരത്തിൽ കയറാനായി പോകുന്നതിനിടെ എന്താണ് ചെയ്യുന്നത് എന്ന് ഒരു സുഹൃത്ത് ചോദിക്കുന്നുണ്ട്. ഞാൻ മരത്തിൽ കയറാൻ പോവുകയാണ് എന്നാണ് താരം മറുപടി നൽകിയത്. 

സണ്ണിയെ പേടിപ്പിക്കാൻ കൂടെയുണ്ടായിരുന്നവർ ശ്രമിക്കുന്നുണ്ടെങ്കിലും അതൊന്നും ശ്രദ്ധിക്കാതെ താരം ഓരോ ചില്ലകളും ചവിട്ടികയറി. തുടർന്ന് ഒരു വശത്തേക്ക് ചാഞ്ഞ് നിൽക്കുന്ന കൊമ്പിൽ ചാരിക്കിടന്ന് വിശ്രമിച്ചു. എന്തായാലും ആരാധകർ ഏറ്റെടുക്കുകയാണ് വിഡിയോ. ചെറിയ കുട്ടിയെപ്പോലെ കുസൃതിയാണ് എന്നാണ് ചിലരുടെ കമന്റ്.