15 വര്‍ഷം വരെ താമസാനുമതി; പുതിയ റെസിഡന്‍സി പെര്‍മിറ്റ് പദ്ധതി പ്രഖ്യാപിച്ച് കുവൈത്ത്
കുവൈത്ത്
Edited by :Amal Joy
Last Updated :14 ജൂൺ 2026, 10:21 pm IST
കുവൈത്ത് സിറ്റി: പ്രവാസി നിക്ഷേപകര്‍ക്ക് 15 വര്‍ഷം വരെ കാലാവധിയുള്ള റെസിഡന്‍സി പെര്‍മിറ്റുകള്‍ നല്‍കുന്ന പുതിയ പദ്ധതിക്ക് കുവൈത്ത് മന്ത്രിസഭയുടെ അംഗീകാരം. നേരിട്ടുള്ള വിദേശ നിക്ഷേപ പ്രോത്സാഹന നിയമത്തിന്റെ പരിധിയില്‍ വരുന്ന നിക്ഷേപ സ്ഥാപനങ്ങളുടെ ഉടമകള്‍, പങ്കാളികള്‍, മാനേജര്‍മാര്‍, ഉന്നത ഉദ്യോഗസ്ഥര്‍, അവരുടെ കുടുംബാംഗങ്ങള്‍ എന്നിവര്‍ക്ക് 15 വര്‍ഷം വരെ റെസിഡന്‍സി അനുവദിക്കാം.
അപേക്ഷിക്കുന്ന സ്ഥാപനത്തിന് ഡയറക്ട് ഇന്‍വെസ്റ്റ്‌മെന്റ് പ്രൊമോഷന്‍ അതോറിറ്റി നല്‍കുന്ന സാധുവായ നിക്ഷേപ ലൈസന്‍സ് ഉണ്ടായിരിക്കണം. കൂടാതെ സ്ഥാപനത്തിന് കുറഞ്ഞത് 50 ലക്ഷം കുവൈത്തി ദിനാര്‍ നിക്ഷേപവും 10 ലക്ഷം ദിനാര്‍ മൂലധനവും ഉണ്ടായിരിക്കണം. എല്ലാ രേഖകളും സമര്‍പ്പിച്ചാല്‍ അഞ്ച് പ്രവൃത്തി ദിവസത്തിനകം അപേക്ഷയില്‍ തീരുമാനം എടുക്കുമെന്ന് അധികൃതര്‍ അറിയിച്ചു.
നിക്ഷേപ സ്ഥാപനം പ്രവര്‍ത്തനക്ഷമമായി തുടരുകയും എല്ലാ നിബന്ധനകളും പാലിക്കുകയും ചെയ്യുന്നിടത്തോളം റെസിഡന്‍സി പുതുക്കി നല്‍കും. വ്യാജ രേഖകള്‍ സമര്‍പ്പിക്കല്‍, നിക്ഷേപ പ്രവര്‍ത്തനങ്ങള്‍ നിര്‍ത്തിവെക്കല്‍, നിയമലംഘനങ്ങള്‍, അഴിമതി കേസുകളിലെ അന്തിമ ശിക്ഷ എന്നിവയുണ്ടായാല്‍ റെസിഡന്‍സി റദ്ദാക്കാനും വ്യവസ്ഥയുണ്ട്. റെസിഡന്‍സി കാലാവധി അവസാനിച്ചവര്‍ക്കും കുവൈത്തില്‍ 90 ദിവസം വരെ തുടരാന്‍ അനുമതി ലഭിക്കും. പ്രത്യേക സാഹചര്യങ്ങളില്‍ ഇത് 180 ദിവസം വരെ നീട്ടാനും സാധിക്കും.
News Now
'എന്നെ ഓര്‍മ്മിക്കാനായി... നന്ദിയോടെ'; അധ്യാപക ദിനത്തില്‍ 55 വര്‍ഷം പഴക്കമുള്ള ചിത്രം പങ്കിട്ട് യുഎഇ പ്രസിഡന്റ്
ലൈഫ് പദ്ധതി തുടരും; ലക്ഷ്യം ഭവനരഹിതരില്ലാത്ത കേരളമെന്ന് മുഖ്യമന്ത്രി
ഇത് ലൈംഗികാതിക്രമത്തിന് തുല്യം, മനുഷ്യനായി പരിഗണിക്കമെന്ന് ആവശ്യപ്പെടുന്നത് കൂടുതലാണോ?: ജാന്‍വി കപൂര്‍
'കുറ്റകൃത്യം ചെയ്താൽ തീർന്നുപോകുമെന്ന ഭയം ക്രിമിനലുകളിൽ ഉണ്ടാക്കണം': സുപ്രീം കോടതി
Summary
Kuwait launches 15-year residency programme for investors
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
