സെക്കന്‍ഡ് ഷോ കണ്ട് സുഹൃത്തിനൊപ്പമിറങ്ങിയ യുവതിയെ തടഞ്ഞുവച്ചു; രാത്രി 2 മണിക്ക് വീട്ടിലാക്കമെന്ന് പറഞ്ഞ് ലോഡ്ജിലെത്തിച്ച് പൊലീസുകാരന്‍ ബലാത്സംഗം ചെയ്തു; അറസ്റ്റ്

ചെന്നൈ: സുഹൃത്തുക്കള്‍ക്കൊപ്പം സിനിമ കഴിഞ്ഞ് മടങ്ങിയ യുവതിയെ ബലാത്സംഗം ചെയ്ത പൊലീസുകാരന്‍ അറസ്റ്റില്‍. സിനിമക്ക് ശേഷം സുഹൃത്തും തൊഴിലുടമയുമായ യുവാവിനൊപ്പം വീട്ടിലേക്ക് മടങ്ങുന്നതിനിടെ ശനിയാഴ്ച രാത്രിയാണ് സംഭവം.

തിലഗര്‍ തിഡല്‍ പൊലീസ് സ്‌റ്റേഷനിലെ കോണ്‍സ്റ്റബിളായ 41കാരന്‍ മുരുകനാണ് അറസ്റ്റിലായത്. യുവതിയുടെ സുഹൃത്തിന്റെ ഡെബിറ്റ് കാര്‍ഡില്‍നിന്ന് ഇയാള്‍ 40,000 രൂപ പിന്‍വലിക്കുകയും ഭീഷണിപ്പെട?ുത്തുകയും ചെയ്തു. ബലാത്സംഗം, ക്രിമിനല്‍ ഗൂഡാലോചന, കവര്‍ച്ച തുടങ്ങിയവയുടെ വകുപ്പുകള്‍ ചുമത്തിയാണ് അറസ്റ്റ്.

ബൈക്കില്‍ പട്രോളിങ് നടത്തുന്നതിനിടെ യുവാവിനെയും യുവതിയെയും മുരുകന്‍ തടഞ്ഞുനിര്‍ത്തുകയായിരുന്നു. ഇരുവരുടെയും സംസാരത്തില്‍നിന്ന് ഇവര്‍ ദമ്പതികള്‍ അല്ലെന്ന് മനസിലാക്കിയ പൊലീസുകാരന്‍ ഇവരുടെ ബന്ധത്തെക്കുറിച്ച്  കുടുംബങ്ങളെ അറിയിക്കുമെന്ന് ഭീഷണിപ്പെടുത്തുകയും ചെയ്തു. തുടര്‍ന്ന്  യുവാവിന്റെ ഡെബിറ്റ് കാര്‍ഡ് കൈക്കലാക്കി എ.ടി.എമ്മില്‍നിന്ന് 40,000 രൂപ പിന്‍വലിച്ചു. പിന്നീട് യുവാവിനെ അവിടെനിന്ന് പറഞ്ഞയക്കുകയും യുവതിയെ വീട്ടിലാക്കാമെന്ന വ്യാജേന യുവതിയെ കൂട്ടിക്കൊണ്ടുപോകുകയുമായിരുന്നു.

എന്നാല്‍, തൊട്ടടുത്ത ലോഡ്ജിലേക്ക് യുവതിയെ ഇയാള്‍ കൂട്ടിക്കൊണ്ടുപോകുകയും ബലാത്സംഗം ചെയ്യുകയുമായിരുന്നു. ശേഷം യുവതിയെ ഓട്ടോയില്‍ വീട്ടിലേക്ക്? അയച്ചു. തുടര്‍ന്ന് സുഹൃത്തിനോട്? യുവതി സംഭവം വിവരിക്കുകയും പൊലീസില്‍ പരാതി നല്‍കുകയുമായിരുന്നു.