കൗണ്ട്ഡൗണ്‍ അവസാനിക്കാന്‍ 43 മിനിറ്റ് 50 സെക്കന്‍ഡ്; പിഎസ്എല്‍വി സി59 വിക്ഷേപണം മാറ്റി

ശ്രീഹരിക്കോട്ട: യൂറോപ്യന്‍ ബഹിരാകശ ഏജന്‍സിയുടെ പേടകമായ പ്രോബ 3യും വഹിച്ചുകൊണ്ടുള്ള പിഎസ്എല്‍വി സി59 വിക്ഷേപണം മാറ്റിയതായി ഐഎസ്ആര്‍ഒ. നാളെ വൈകീട്ട് 4.12ലേക്കാണ് വിക്ഷേപണം മാറ്റിയത്. പേടകത്തിലെ സാങ്കേതിക തകരാറാണ് വിക്ഷേപണം മാറ്റാന്‍ കാരണം.

വിക്ഷേപണത്തിന്റെ അവസാന മണിക്കൂറിലാണ് പ്രോബ പേടകത്തിലെ സാങ്കേതിക തകരാര്‍ കണ്ടെത്തിയത്. ശ്രീഹരിക്കോട്ടയിലെ സതീഷ് ധവാന്‍ സ്പേയ്സ് സെന്ററില്‍ നിന്ന് വൈകിട്ട് 4.08ന് പിഎസ്എല്‍വി സി59 റോക്കറ്റ് പ്രോബാ- 3 ഉപഗ്രഹങ്ങളുമായി കുതിക്കുമെന്നായിരുന്നു നേരത്തെ അറിയിച്ചിരുന്നത്. കൗണ്ട് ഡൗണ്‍ അവസാനിക്കാന്‍ 43 മിനിറ്റ് 50 സെക്കന്‍ഡ് ബാക്കിയുള്ളപ്പോഴാണ് വിക്ഷേപണം മാറ്റിയതായി ഐഎസ്ആര്‍ഒ അറിയിച്ചത്. നാളെ വൈകീട്ടായിരിക്കും 4.12നായിരിക്കും വിക്ഷേപണം ഐഎസ്ആര്‍ഒ അറിയിച്ചു.

'നാഗ്പൂര്‍ രാജ്യത്തിന് നല്‍കിയ സമ്മാനം'; അപാരമായ പാര്‍ട്ടിക്കൂറ്, മഹാരാഷ്ട്രയെ മാറ്റി മറിച്ച 'യുവതന്ത്രജ്ഞന്‍'

സൂര്യന്റെ കൊറോണയെ പറ്റി പഠിക്കാനുള്ള ഇരട്ട ഉപഗ്രഹങ്ങളാണ് ദൗത്യത്തിലുള്ളത്. കൃത്രിമമായി സൂര്യഗ്രഹണം സൃഷ്ടിച്ച് സൂര്യന്റെ പ്രഭാവലയത്തെ പറ്റി ഉപഗ്രഹം സൂക്ഷ്മമായി പഠിക്കും. 145 മീറ്റര്‍ വ്യത്യാസത്തിലുള്ള ഭ്രമണപഥത്തില്‍ ഇരു ഉപഗ്രഹങ്ങളും സഞ്ചരിച്ചാണ് ഇത് സാധ്യമാക്കുക. ഏറ്റവും ഉയരത്തിലുള്ള ദീര്‍ഘവൃത്താകൃതിയിലുള്ള ഭ്രമണപഥത്തിലാകും ഇവയെ ഉറപ്പിക്കുക. കുറഞ്ഞദൂരം 600 ഉം കൂടിയ ദൂരം 6530 കിലോമീറ്ററുമായുള്ള പഥമാണിത്. ആയിരം കിലോമീറ്റര്‍ ഉയരത്തില്‍ ഉപഗ്രഹങ്ങളെ ആദ്യഘട്ടത്തില്‍ എത്തിക്കും. രണ്ട് വര്‍ഷമാണ് കാലാവധി.