ജെഇഇ അഡ്വാന്‍സ്ഡ് പരീക്ഷയുടെ ഫലം പ്രസിദ്ധീകരിച്ചു; മൃദുല്‍ അഗര്‍വാള്‍ ടോപ് സ്‌കോറര്‍

ന്യൂഡല്‍ഹി: ഐഐടി പ്രവേശനത്തിനുള്ള ജെഇഇ അഡ്വാന്‍സ്ഡ് പരീക്ഷയുടെ ഫലം പ്രസിദ്ധീകരിച്ചു. ഡല്‍ഹി മേഖലയില്‍നിന്നുള്ള മൃദുല്‍ അഗര്‍വാള്‍ ആണ് ടോപ് സ്‌കോറര്‍.

മൃദുല്‍ അഗര്‍വാള്‍ 360ല്‍ 348 സ്‌കോര്‍ നേടി. ഡല്‍ഹി സോണില്‍നിന്നു തന്നെയുള്ള കാവ്യ ചോപ്രയാണ് പെണ്‍കുട്ടികളില്‍ മുന്നില്‍. 360ല്‍ 286 മാര്‍ക്കാണ് കാവ്യ നേടിയത്. 

ആകെ 41,862 പേരാണ് യോഗ്യത നേടിയത്. ഇതില്‍ 6452 പേരാണ് പെണ്‍കുട്ടികള്‍. ഐഐടി ഖരഗ്പുര്‍ ആണ് ഇത്തവണ ജെഇഇ അഡ്വാന്‍സ്ഡ് പരീക്ഷ നടത്തിയത്.