നടുക്കുന്ന ക്രൂരത; തിരുവനന്തപുരത്ത് ഒന്നര വയസ്സുള്ള കുഞ്ഞിനെ കഴുത്തറുത്ത് കൊന്നു

തിരുവനന്തപുരം: തിരുവനന്തപുരത്ത് ഒന്നര വയസ്സുള്ള കുഞ്ഞിനെ കഴുത്തറുത്ത് കൊലപ്പെടുത്തി. ഒന്നര വയസ്സുള്ള അന്നയാണ് മരിച്ചത്. കുട്ടിയുടെ അമ്മയാണ് കൊലപാതകം നടത്തിയത്. തിരുവനന്തപുരം മലയിന്‍കീഴ് വിളവൂര്‍ക്കലിലാണ് സംഭവം.

ഗുരുതരമായി പരിക്കേറ്റ കുഞ്ഞിനെ നാട്ടുകാര്‍ വിളവൂര്‍ക്കലിലെ പ്രാഥമികാരോഗ്യ കേന്ദ്രത്തിലും, അവിടെ നിന്നും തിരുവനന്തപുരം എസ്എടി ആശുപതിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കുടുംബപ്രശ്‌നങ്ങളാണ് കൊടും ക്രൂരതയ്ക്ക് കാരണമെന്നാണ് റിപ്പോര്‍ട്ടുകള്‍.

അഭിജിത്ത്- ക്രിസ്റ്റി ദമ്പതികളുടെ മകളാണ് കൊല്ലപ്പെട്ടത്. മാതാപിതാക്കള്‍ തമ്മിലുള്ള വഴക്കിനിടെയാണ് കൊലപാതകം നടത്തിയതെന്നാണ് സൂചന. അമ്മയെ പൊലീസ് ചോദ്യം ചെയ്യുകയാണ്. കൊലപാതകത്തിന് പിന്നിലെ കാരണം എന്താണെന്ന് പൊലീസ് വ്യക്തമാക്കിയിട്ടില്ല.