ആധാര്‍ അധിഷ്ഠിത മൊബൈല്‍ നമ്പര്‍ ആര്‍സിയുമായി ബന്ധിപ്പിച്ചോ?; ഓണ്‍ലൈനായി ചെയ്യേണ്ട വിധം- വിഡിയോ
മോട്ടോര്‍ വാഹനവകുപ്പില്‍ നിന്ന് പൊതുജനങ്ങള്‍ക്ക് ലഭിക്കുന്ന എല്ലാ സേവനങ്ങളും മാര്‍ച്ച് ഒന്നുമുതല്‍ ആധാര്‍ അധിഷ്ഠിതമാകുകയാണ്
എല്ലാ വാഹന ഉടമകളും ആധാര്‍ ലിങ്ക് ചെയ്ത മൊബൈല്‍ നമ്പര്‍ പരിവാഹന്‍ വെബ്സൈറ്റില്‍ അപ്ഡേറ്റ് ചെയ്യണംപരിവാഹൻ സൈറ്റ് സ്ക്രീൻഷോട്ട്
Last Updated :13 February 2025, 11:45 am IST
Edited by :dhanojam
തിരുവനന്തപുരം: മോട്ടോര്‍ വാഹനവകുപ്പില്‍ നിന്ന് പൊതുജനങ്ങള്‍ക്ക് ലഭിക്കുന്ന എല്ലാ സേവനങ്ങളും മാര്‍ച്ച് ഒന്നുമുതല്‍ ആധാര്‍ അധിഷ്ഠിതമാകുകയാണ്. ഇതിന്റെ ഭാഗമായി എല്ലാ വാഹന ഉടമകളും ആധാര്‍ ലിങ്ക് ചെയ്ത മൊബൈല്‍ നമ്പര്‍ പരിവാഹന്‍ വെബ്സൈറ്റില്‍ അപ്ഡേറ്റ് ചെയ്യണമെന്നാണ് മോട്ടോര്‍ വാഹനവകുപ്പിന്റെ നിര്‍ദേശം.
ആധാര്‍ അധിഷ്ഠിത മൊബൈല്‍ നമ്പര്‍ ആര്‍സിയുമായി ബന്ധിപ്പിക്കുന്ന വിധം:
വാഹനത്തിന്റെ രജിസ്‌ട്രേഷന്‍, പെര്‍മിറ്റ്, ടാക്‌സ്, ഇ- ചലാന്‍, തുടങ്ങിയ എല്ലാ സേവനങ്ങള്‍ക്കും വാഹന ഉടമയുടെ ആധാറുമായി ബന്ധിപ്പിച്ച മൊബൈല്‍ നമ്പര്‍ പരിവാഹന്‍ സൈറ്റ് വഴി അപ്ഡേറ്റ് ചെയ്യേണ്ടതാണ്. അതിനായി www.parivahan.gov.in എന്ന സൈറ്റില്‍ പ്രവേശിച്ച ശേഷം ഓണ്‍ലൈന്‍ സര്‍വീസസില്‍ vehicle related services ക്ലിക്ക് ചെയ്ത് സ്റ്റേറ്റ്, രജിസ്‌ട്രേഷന്‍ നമ്പര്‍ എന്നിവ നല്‍കി മുന്നോട്ടുപോയാല്‍ വാഹന സംബന്ധമായ ഒരുപാട് സര്‍വീസുകളുടെ ഐക്കണ്‍ കാണാന്‍ സാധിക്കും. അതില്‍ മൊബൈല്‍ നമ്പര്‍ അപ്‌ഡേഷന്‍ ഓപ്പണ്‍ ചെയ്ത് വാഹനം സംബന്ധമായതും ആധാറുമായി ബന്ധപ്പെട്ടതുമായ വിവരങ്ങളും മൊബൈല്‍ ഒടിപിയും നല്‍കി മൊബൈല്‍ നമ്പര്‍ അപ്ഡേറ്റ് ചെയ്യാന്‍ സാധിക്കും.
മൊബൈല്‍ നമ്പര്‍ അപ്ഡേറ്റ് ചെയ്യാന്‍ സാധിച്ചില്ലെങ്കില്‍ തൊട്ടടുത്ത ഐക്കണ്‍ ആയ അപ്ഡേറ്റ് മൊബൈല്‍ നമ്പര്‍ ഓപ്പണ്‍ ചെയ്ത് വാഹനം സംബന്ധമായതും ആധാറിലെ വിശദാംശങ്ങളും മൊബൈല്‍ ഒടിപിയും നല്‍കിയാല്‍ ഒരു ആപ്ലിക്കേഷന്‍ നമ്പര്‍ ജനറേറ്റ് ആകും. ഇതിന്റെ രശീത് പ്രിന്റ് എടുക്കുകയും വേണം. തുടര്‍ന്ന് അപ്ലോഡ് ഡോക്യൂമെന്റ്‌സില്‍ പോയി അപേക്ഷകന്റെ ഒരു അപേക്ഷ, മൊബൈല്‍ നമ്പര്‍ ഉള്ള ഇ- ആധാറിന്റെ പകര്‍പ്പ് അടക്കം മൂന്ന് രേഖകള്‍ അപ്ലോഡ് ചെയ്ത് ഫൈനല്‍ സബ്മിഷന്‍ നല്‍കേണ്ടതാണ്. തുടര്‍ന്ന് രേഖകളുമായി ആര്‍ടിഒ ഓഫീസില്‍ നേരിട്ടോ ഇ-മെയില്‍ മുഖേനയോ സമര്‍പ്പിക്കേണ്ടതാണ്. ഏതെങ്കിലും കാരണവശാല്‍ ഡോക്യൂമെന്റ്‌സ് പെന്റിങ് ആയാല്‍ സ്റ്റാറ്റസ് എന്ന ഭാഗത്ത് പോയി റീപ്രിന്റ് എന്ന ഓപ്ഷനില്‍ ഡോക്യൂമെന്റ്‌സ് അപ്ലോഡ് ചെയ്യാവുന്നതാണ്. ഏതെങ്കിലും കാരണവശാല്‍ ഒന്നില്‍ കൂടുതല്‍ അപേക്ഷകള്‍ ക്രിയേറ്റ് ചെയ്യപ്പെട്ടാല്‍ withdrawal application എന്ന ഭാഗത്ത് പോയി അപേക്ഷ പിന്‍വലിക്കാവുന്നതുമാണെന്ന് എംവിഡി അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
രാഹുലിന്റെയും പ്രിയങ്കയുടേയും അറസ്റ്റ്: നാളെ സംസ്ഥാനത്ത് കോണ്‍ഗ്രസ് പ്രതിഷേധം
'നാല് ആന്‍ജിയോപ്ലാസ്റ്റി ചെയ്ത് കഴിഞ്ഞാൽ കമ്മീഷൻ, കഷ്ടം ആണ് കേട്ടോ'; മുഖ്യമന്ത്രിയുടെ വാദം തള്ളി ഡോ.സൗമ്യ സരിൻ (വിഡിയോ)
എംപിമാരുടെ ആവശ്യം പ്രോട്ടോക്കോള്‍ വിരുദ്ധം, നാലു മണിവരെ ആരും കൂടിക്കാഴ്ചയ്ക്ക് സമയം തേടിയില്ല; വിശദീകരണവുമായി തെരഞ്ഞെടുപ്പ് കമ്മീഷന്‍
അയ്യർ 'ഷോ'... നായകന്റെ സെഞ്ച്വറിയിൽ വിൻഡീസിനെതിരെ ഇന്ത്യയ്ക്ക് തകർപ്പൻ ജയം
