ശബരിമലയിലെ കര്‍ക്കടക മാസ പൂജ; പ്രതിദിനം 10,000 ഭക്തര്‍ക്ക് പ്രവേശനം 

പത്തനംതിട്ട: കർക്കടക മാസ പൂജകൾക്കായി തുറന്ന ശബരിമലയിൽ പ്രതിദിനം 10,000 ഭക്തർക്ക് പ്രവേശനം നൽകും. കർക്കടക മാസ പൂജകൾക്ക് ശേഷം ക്ഷേത്രനട അടക്കുന്ന ജൂലായ് 21 വരെയാണ് പ്രതിദിനം 10,000 ഭക്തർക്ക് ദർശനത്തിന് അനുമതി നൽകിയത്. 

വെർച്വൽ ക്യൂ ബുക്കിംഗ് വഴിയായിരിക്കും പ്രവേശനം. ദർശനത്തിന് എത്തുന്നവരുടെ പക്കൽ 48 മണിക്കൂറിനുള്ളിൽ എടുത്ത കോവിഡ് ആർടിപിസിആർ പരിശോധനാ നെഗറ്റീവ് സർട്ടിഫിക്കറ്റോ,  രണ്ട് പ്രതിരോധ വാക്‌സിൻ എടുത്ത സർട്ടിഫിക്കറ്റോ‌ ഉണ്ടായിരിക്കണം.