തിരുവനന്തപുരം; എംഎം മണി എംഎൽഎ സഞ്ചരിച്ച കാറിടിച്ച് കാൽനട യാത്രക്കാരനായ യുവാവിന് പരുക്ക്. കഴക്കൂട്ടം സ്വദേശി രതീഷ്(38) നാണ് പരുക്കേറ്റത്. റോഡ് മുറിച്ച് കടക്കുന്നതിനിടെ വാഹനം ഇടിക്കുകയായിരുന്നു. പരുക്കേറ്റ രതീഷിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. 

ഇന്നലെ രാത്രി 10.40ന് കഴക്കൂട്ടത്തുവെച്ചാണ് അപകടമുണ്ടാകുന്നത്. ഇടുക്കിയിൽ നിന്നു തിരുവനന്തപുരത്തേക്കു വരുകയായിരുന്നു മണി. വെട്ടുറോഡ് ഭാഗത്തു നിന്നു കഴക്കൂട്ടത്തേക്കു വരുന്നതിനിടെ എലിവേറ്റഡ് ഹൈവേ തുടങ്ങുന്ന ഭാഗത്തു നിന്നു യുവാവ് റോഡ് കുറുകെ കടക്കാൻ ശ്രമിച്ചപ്പോൾ കാർ ഇടിച്ചു. ഉടൻ തന്നെ എംഎൽഎ പൊലീസിൽ വിവരം അറിയിച്ചു. 

ആംബുലൻസ് വിളിച്ചുവരുത്തിയ ശേഷം എംഎൽഎയുടെ ഗൺമാൻ പരുക്കേറ്റയാളെ ആശുപത്രിയിലേക്കു കൊണ്ടു പോയി. കാർ കഴക്കൂട്ടം പൊലീസ് കസ്റ്റഡിയിൽ എടുത്തു. പരുക്കേറ്റയാളെ  എം.എം.മണി സന്ദർശിച്ചു.

ഈ വാർത്ത കൂടി വായിക്കൂ 

"കൊല്ലുമെന്ന് പറഞ്ഞു", സുധാകരനെതിരെ മൊഴി നൽകിയതിന് മോൻസന്റെ ഡ്രൈവർക്ക് വധഭീഷണി; കോൺ​ഗ്രസ് നേതാവിനെതിരെ കേസ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ