ടിഎന്‍ പ്രതാപന്‍ എഐസിസി സെക്രട്ടറി; പുതുച്ചേരി- ലക്ഷദ്വീപ് ചുമതല

ന്യുഡല്‍ഹി: മുന്‍ എംപി ടിഎന്‍ പ്രതാപന് പുതിയ ചുമതല. എഐസിസി സെക്രട്ടറിയായി തെരഞ്ഞെടുത്തതായി എഐസിസി ജനറല്‍ സെക്രട്ടറി കെസി വേണുഗോപാല്‍ അറിയിച്ചു. പുതുച്ചേരി- ലക്ഷദ്വീപിന്റെ ചുമതലയാണ് പ്രതാപനുള്ളത്.

2019 മുതല്‍ 2024 വരെ തൃശൂരില്‍ നിന്നുള്ള ലോക്‌സഭാംഗമായിരുന്നു ടിഎന്‍ പ്രതാപന്‍. 2001ലും 2006ലും നാട്ടികയില്‍ നിന്നും 2011ല്‍ കൊടുങ്ങല്ലൂരില്‍ നിന്നും നിയമസഭാംഗമായി പ്രവര്‍ത്തിച്ചു. 2011-2016 നിയമസഭയില്‍ കോണ്‍ഗ്രസ് പാര്‍ലമെന്ററി പാര്‍ട്ടി വിപ്പായിരുന്നു. മുന്‍ തൃശൂര്‍ ഡി.സി.സി പ്രസിഡന്റായും പ്രതാപന്‍ പ്രവര്‍ത്തിച്ചിരുന്നു.