ബെയ്റൂട്ടിൽ ഇസ്രയേൽ വ്യോമാക്രമണം; 20 പേർ കൊല്ലപ്പെട്ടു

ബെ​​​യ്റൂ​​​ട്ട്: ലെബ​നീ​സ് ത​ല​സ്ഥാ​ന​മാ​യ ബെ​യ്റൂ​ട്ടി​ന്‍റെ മ​ധ്യ​ഭാ​ഗ​ത്ത് ഇ​സ്രയേ​ലി സേ​ന ന​ട​ത്തി​യ വ്യോ​മാ​ക്ര​മ​ണ​ത്തി​ൽ 20 പേ​ർ കൊ​ല്ല​പ്പെ​ട്ടു. ആക്രമണത്തിൽ 60 പേർക്ക് പരിക്കേറ്റു. ശ​നി​യാ​ഴ്ച പു​ല​ർ​ച്ചെ നാ​ലി​നു​ണ്ടാ​യ ഉ​ഗ്ര​സ്ഫോ​ട​നം ന​ഗ​ര​ത്തെ മൊ​ത്തം കു​ലു​ക്കി​യെ​ന്നാ​ണു റി​പ്പോ​ർ​ട്ട്. എ​ട്ടു​ നി​ല​ക്കെ​ട്ടി​ടം പൂ​ർ​ണ​മാ​യി നി​ലം​ പതിച്ചു. അ​വ​ശി​ഷ്ട​ങ്ങ​ൾ​ക്ക​ടി​യി​ൽ ഒ​ട്ടേ​റെ​പ്പേ​ർ കു​ടു​ങ്ങി​യി​ട്ടുണ്ടാകുമെന്നാണ് സംശയം.

മ​ര​ണ​സം​ഖ്യ ഇനിയും ഉ​യ​രു​മെ​ന്നാ​ണു ലെബ​നീ​സ് സ​ർ​ക്കാ​ർ വൃ​ത്ത​ങ്ങ​ൾ സൂ​ചി​പ്പി​ച്ച​ത്. മു​ന്ന​റി​യി​പ്പ് നൽകാ​തെ​യാ​ണ് ഇ​സ്രയേ​ലി സേ​ന ആ​ക്ര​മ​ണം ന​ട​ത്തി​യ​തെ​ന്നാണ് വിവരം. ഹി​സ്ബു​ള്ള​യു​ടെ മു​തി​ർ​ന്ന നേ​താ​ക്ക​ളെ ല​ക്ഷ്യം​വ​ച്ച് ആ​ക്ര​മ​ണം ന​ട​ത്തി​യ​തു​ കൊ​ണ്ടാ​കാം മു​ന്ന​റി​യി​പ്പു ന​ല്കാ​തി​രു​ന്ന​ത്. നാ​ലു ബോം​ബു​ക​ൾ ഉ​പ​യോ​ഗി​ച്ചു. അ​ടു​ത്ത ദി​വ​സ​ങ്ങ​ളി​ൽ ബെ​യ്റൂ​ട്ടി​ന്‍റെ മ​ധ്യ​ഭാ​ഗം കേ​ന്ദ്രീ​ക​രി​ച്ച് ഇ​സ്രയേ​ലി സേ​ന ന​ട​ത്തു​ന്ന നാ​ലാ​മ​ത്തെ വ്യോ​മാ​ക്ര​മ​ണം ആ​ണി​ത്.

ബഹിരാകാശത്ത് ബാത്ത്‌റൂം വൃത്തിയാക്കി സുനിത വില്യംസ്, സ്‌പെയ്‌സ് സ്യൂട്ട് പരിപാലിച്ച് ബുച്ച് വില്‍മോര്‍

ഹി​സ്ബു​ള്ള​യു​ടെ ശ​ക്തി​കേ​ന്ദ്ര​മാ​യ തെ​ക്ക​ൻ ബെ​യ്റൂ​ട്ടി​ലും ആക്ര​മ​ണ​മു​ണ്ടാ​യി. ക​ഴി​ഞ്ഞ​വ​ർ​ഷം ഒ​ക്‌​ടോ​ബ​റി​ലെ ഹ​മാ​സ് ഭീക​രാ​ക്ര​മ​ണ​ത്തി​നു പി​ന്നാ​ലെ ഹി​സ്ബു​ള്ള​ക​ൾ ഇ​സ്ര​യേ​ലി​നെ ആ​ക്ര​മി​ക്കാ​ൻ തു​ട​ങ്ങി​യ​താ​ണു സം​ഘ​ർ​ഷ​ത്തി​നു കാ​ര​ണം. ഇ​സ്രയേ​ലി ആ​ക്ര​മ​ണ​ങ്ങ​ളി​ൽ 3645 പേ​ർ കൊ​ല്ല​പ്പെ​ട്ടു​വെ​ന്നാ​ണു ലെ​ബ​നീ​സ് ആ​രോ​ഗ്യ​മ​ന്ത്രാ​ല​യം ക​ഴി​ഞ്ഞ​ദി​വ​സം അ​റി​യി​ച്ച​ത്.