'ഉറക്കെ നിലവിളി കേട്ടു'; വാതില്‍ അകത്തുനിന്ന് പൂട്ടി, ഭാര്യയെയും മൂന്ന് പെണ്‍മക്കളെയും ഭര്‍ത്താവ് കഴുത്തറുത്ത് കൊലപ്പെടുത്തി

കറാച്ചി: ഭാര്യയെയും മൂന്ന് പെണ്‍മക്കളെയും ഭര്‍ത്താവ് കഴുത്തറുത്ത് കൊലപ്പെടുത്തി. പാകിസ്ഥാനിലെ കറാച്ചിയിലാണ് സംഭവം. കുടുംബ പ്രശ്‌നങ്ങളാണ് കൊലപാകത്തിന് പിന്നിലെന്നാണ് പൊലീസിന്റെ പ്രാഥമിക നിഗമനം.

നാലുപേരെയും കൊലപ്പെടുത്തിയ ശേഷം ആത്മഹത്യക്ക് ശ്രമിച്ച ഭര്‍ത്താവിനെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. മൂര്‍ച്ചയേറിയ കത്തിക്കൊണ്ട് ആദ്യം ഭാര്യയെയും പിന്നീട് 16,12,10 വയസുള്ള പെണ്‍മക്കളെ സമാനമായ രീതിയില്‍ കൊലപ്പെടുത്തിയതാവാമെന്നും പൊലീസ് പറഞ്ഞു.

കറാച്ചിയിലെ അല്‍ ഫലാഹ് സൊസൈറ്റിയിലെ അപ്പാര്‍ട്ടുമെന്റില്‍ ഇയാളും കുടുംബവും വാടകയ്ക്ക് താമസിക്കുകയാണെന്ന് പൊലീസ് പറഞ്ഞു. പൊലീസ് സ്ഥലത്തെത്തിയപ്പോള്‍ മുറി അകത്തുനിന്നും പൂട്ടിയ നിലയിലായിരുന്നു. കൊലപാതകത്തിന് മുന്‍പ് വീട്ടില്‍ നിന്ന് ഉറക്കെ നിലവിളി കേട്ടതായി സമീപത്തുതാമസിക്കുന്നവര്‍ പറഞ്ഞു. സംഭവസ്ഥലത്തുനിന്ന് കൊലപാതകം നടത്താന്‍ ഉപയോഗിച്ച കത്തി കണ്ടെത്തിയതായി പൊലീസ് പറഞ്ഞു.

ഈ വാര്‍ത്ത കൂടി വായിക്കൂ‌

'മനസാക്ഷിയുള്ളവര്‍ പ്രതികരിക്കൂ...; ഇറാന്‍ ഭരണകൂടത്തെ ഒറ്റപ്പെടുത്തണം'; ആയത്തുള്ള അലി ഖൊമേനിയുടെ മരുമകള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ