കൽപ്പറ്റ: കേണൽ സികെ നായിഡു ട്രോഫി ക്രിക്കറ്റ് പോരാട്ടത്തിൽ ഉത്തരാഖണ്ഡിനെതിരെ മികച്ച സ്കോറിനായി കേരളം പൊരുതുന്നു. മൂന്നാം ദിനം ബാറ്റിങ് തുടരുന്ന കേരളം 4 വിക്കറ്റ് നഷ്ടത്തിൽ 335 റൺസെന്ന നിലയിൽ. കേരളത്തിനായി വരുൺ നായനാരും പിന്നാലെ ഷോൺ റോജറും സെഞ്ച്വറികൾ നേടി. ഷോൺ ക്രീസിൽ തുടരുന്നു.

വരുണിന്‍റേയും ഷോണിന്‍റെയും ഇന്നിങ്സുകളാണ് കേരളത്തെ ശക്തമായ നിലയിലെത്തിച്ചത്. 2 വിക്കറ്റിന് 231 റൺസെന്ന നിലയിലാണ് കേരളം രണ്ടാം ദിനം കളി തുടങ്ങിയത്. സ്കോർ 259 ൽ നിൽക്കെ വരുൺ നായനാരുടെ വിക്കറ്റ് നഷ്ടമായി. 122 റൺസായിരുന്നു വരുൺ നേടിയത്. 17 ഫോറും ഒരു സിക്സും അടങ്ങുന്നതായിരുന്നു വരുണിന്റെ ഇന്നിങ്‌സ്‌. തുടർന്നെത്തിയ രോഹൻനായർ ഏകദിന ശൈലിയിൽ ബാറ്റിങ് തുടങ്ങിയെങ്കിലും 25 റൺസെടുത്ത് പുറത്തായി.

വിടാതെ പരിക്ക്; രണ്ടാം ടെസ്റ്റിനും കെയ്ന്‍ വില്ല്യംസന്‍ ഇല്ല

അതിനിടെ ഷോൺ റോജർ സെഞ്ച്വറി പൂർത്തിയാക്കി. ഷോൺ 114 റൺസുമായാണ് ബാറ്റിങ് തുടരുന്നത്. 20 റൺസുമായി അഹമ്മദ് ഇമ്രാനാണ് താരത്തിനൊപ്പം പുറത്താകാതെ നില്‍ക്കുന്നത്.

ടൂർണമെന്റിൽ ഈ സീസണിലെ ഷോണിന്റെ രണ്ടാം സെഞ്ച്വറിയാണ് ഇത്. കഴിഞ്ഞ മത്സരത്തിൽ ചണ്ഡീഗഢിനെതിരെയും ഷോൺ സെഞ്ച്വറി നേടിയിരുന്നു. മഴയെ തുടർന്ന് ഇന്നലെ കളി നേരത്തെ നിർത്തിയിരുന്നു. ഉത്തരാഖണ്ഡിന് വേണ്ടി ആദിത്യ റാവത്ത് രണ്ടും അജയ്, ഹർഷ് റാണ എന്നിവർ ഓരോ വിക്കറ്റും നേടി.