150 കടന്ന് യശസ്വി; രജത് പടിദാറും മടങ്ങി, ഇന്ത്യക്ക് നാല് വിക്കറ്റുകള്‍ നഷ്ടം
ഇന്ത്യ നാല് വിക്കറ്റ് നഷ്ടത്തില്‍ 277 റണ്‍സെന്ന നിലയില്‍
യശസ്വി ജയ്സ്വാളിന്‍റെ ബാറ്റിങ്Source by : പിടിഐ
Last Updated :2 February 2024, 3:33 pm IST
വിശാഖപട്ടണം: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യക്ക് നാല് വിക്കറ്റുകള്‍ നഷ്ടം. മൂന്നാം സെഷനില്‍ ബാറ്റിങ് തുടരുന്ന ഇന്ത്യ നിലവില്‍ നാല് വിക്കറ്റ് നഷ്ടത്തില്‍ 277 റണ്‍സെന്ന നിലയിലാണ്.
സെഞ്ച്വറിയുമായി നില്‍ക്കുന്ന ഓപ്പണര്‍ യശസ്വി ജയ്‌സ്വാള്‍ പുറത്താകാതെ ബാറ്റിങ് തുടരുന്നു. താരം 154 റണ്‍സ് പിന്നിട്ടു. 15 റണ്‍സുമായി അക്ഷര്‍ പട്ടേലാണ് യശസ്വിക്കൊപ്പം ക്രീസില്‍.
ക്യാപ്റ്റന്‍ രോഹിത് ശര്‍മ (14), ശുഭ്മാന്‍ ഗില്‍ (34), ശ്രേയസ് അയ്യര്‍ (27), രജത് പടിദാര്‍ (32) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്.
കന്നി ടെസ്റ്റ് കളിക്കാനിറങ്ങിയ രജത് പടിദാര്‍ മികച്ച രീതിയില്‍ തുടങ്ങി. എന്നാല്‍ നാലാം വിക്കറ്റായി താരം മടങ്ങി. രഹാന്‍ അഹമദിനാണ് വിക്കറ്റ്.
ഇന്ത്യക്ക് നഷ്ടമായ നാല് വിക്കറ്റുകള്‍ ജെയിംസ് ആന്‍ഡേഴ്‌സന്‍, ടോം ഹാര്‍ട്‌ലി, കന്നി ടെസ്റ്റിനിറങ്ങിയ ഷൊയ്ബ് ബഷീര്‍, രഹാന്‍ അഹമദ് എന്നിവര്‍ പങ്കിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
