ഇന്ത്യ-പാക് ഹാന്‍ഡ്‌ഷേക്ക് നിരോധനം ക്രിക്കറ്റില്‍ മാത്രം? ഏഷ്യന്‍ ഗെയിംസില്‍ കൈകൊടുത്ത് ടേബിള്‍ ടെന്നീസ് താരങ്ങള്‍
ഇന്ത്യന്‍ പുരുഷ, വനിതാ ടീമുകള്‍ക്ക് പാകിസ്ഥാനെതിരെ ജയം
Syndrela Das shaking hands with Pakistani counterpart at 2026 Asian GamesX
Edited by :ബിജീഷ് ബാലകൃഷ്ണൻ
Last Updated :21 സെപ്റ്റംബർ 2026, 6:56 pm IST
ക്രിക്കറ്റ് ഗ്രൗണ്ടുകളില്‍ ഇന്ത്യ-പാകിസ്ഥാന്‍ മത്സരങ്ങള്‍ക്കിടെ പരസ്പരം കൈകൊടുക്കാറില്ലാത്തത് വലിയ ചര്‍ച്ചയാകാറുണ്ട്. എന്നാല്‍ ഏഷ്യന്‍ ഗെയിംസില്‍ കഥ അതല്ല. ടേബിള്‍ ടെന്നീസ് മത്സരവേദിയില്‍ ഇന്ത്യയുടെയും പാകിസ്ഥാന്റെയും പുരുഷ-വനിതാ താരങ്ങള്‍ പരസ്പരം കൈകൊടുത്ത് സൗഹൃദം പങ്കിട്ടത് കായിക ലോകത്ത് പുതിയ ചര്‍ച്ചകള്‍ക്ക് വഴിവെച്ചിരിക്കുകയാണ്. വനിത ടീം ഇനത്തില്‍ പാകിസ്ഥാനെതിരെ 3-0ന്റെ തകര്‍പ്പന്‍ വിജയം നേടിയ ശേഷമാണ് സുതീര്‍ത്ഥ മുഖര്‍ജി, സിന്ദ്രേല ദാസ്, ശ്രീജ അകുല എന്നിവരടങ്ങുന്ന ഇന്ത്യന്‍ വനിതാ ടീം പാക് താരങ്ങള്‍ക്ക് ഹസ്തദാനം നല്‍കിയത്. ഇതിനകം സിംഗപ്പൂരിനെതിരെയും ഇന്ത്യന്‍ ടീം വമ്പന്‍ ജയം നേടിയിരുന്നു.
മത്സരത്തില്‍ ഇന്ത്യന്‍ താരങ്ങള്‍ സമ്പൂര്‍ണാധിപത്യമാണ് പുലര്‍ത്തിയത്. ആദ്യ ഗെയിമില്‍ സുതീര്‍ത്ഥ മുഖര്‍ജി അലീന ഖാനെ പരാജയപ്പെടുത്തി 11-3, 11-3, 11-4 എന്ന സ്‌കോറിനാണ് പരാജയപ്പെടുത്തിയത്. രണ്ടാം മത്സരത്തില്‍ സിന്ദ്രേല ദാസ് കല്‍സും ഖാനെയും വീഴ്ത്തി (സ്‌കോര്‍: 11-6, 11-7, 11-5). അവസാന മത്സരത്തില്‍ 11-4, 11-4, 11-5 എന്ന സ്‌കോറിന് ശ്രീജ അകുലയും ജയം കണ്ടതോടെ ഇന്ത്യ വിജയം ഉറപ്പിച്ചു.
മത്സരത്തിന് ശേഷം ഇന്ത്യന്‍ താരങ്ങള്‍ പാക് താരങ്ങളുമായി കൈകൊടുത്ത് സൗഹൃദം പങ്കിട്ടത് ആരാധകര്‍ക്കിടയില്‍ സമ്മിശ്ര പ്രതികരണങ്ങള്‍ക്ക് കാരണമായി. ചിലര്‍ ഇതിനെ വിമര്‍ശിച്ചപ്പോള്‍, സ്‌പോര്‍ട്‌സ്മാന്‍ സ്പിരിറ്റ് ഉയര്‍ത്തിപ്പിടിച്ച താരങ്ങളുടെ പ്രവൃത്തിയെ നിരവിധി കായിക പ്രേമികള്‍ പ്രശംസിക്കുകയും ചെയ്തു. പുരുഷ വിഭാഗത്തിലും ഹര്‍മീത് ദേശായി, ജി സത്യന്‍, പയസ് ജെയിന്‍ എന്നിവരടങ്ങുന്ന ഇന്ത്യന്‍ ടീം പാകിസ്ഥാനെ 3-0ത്തിന് പരാജയപ്പെടുത്തുകയും, മത്സരത്തിന് മുന്‍പും ശേഷവും പാക് താരങ്ങള്‍ക്ക് കൈകൊടുക്കുകയും ചെയ്തു.
അതേസമയം ഏഷ്യന്‍ ഗെയിംസ് രണ്ടാം ദിനത്തില്‍ പ്രധാനമായും ഷൂട്ടിങ്ങിലാണ് ഇന്ത്യ നേട്ടം കൊയ്തത്. പുരുഷന്മാരുടെ 10 മീറ്റര്‍ എയര്‍ റൈഫിള്‍ ടീം ഇനത്തില്‍ രുദ്രാക്ഷ് ബാലാസാഹേബ് പാട്ടീല്‍, പാര്‍ഥ് രാകേഷ് മാനെ, ഹിമാന്‍ഷു ധില്ലന്‍ എന്നിവരടങ്ങുന്ന സംഘം വെള്ളി മെഡല്‍ നേടി. ലോക റെക്കോര്‍ഡോടെ ചൈനയാണ് സ്വര്‍ണം സ്വന്തമാക്കിയത്. പുരുഷന്മാരുടെ 10 മീറ്റര്‍ എയര്‍ റൈഫിള്‍ വ്യക്തിഗത ഫൈനലില്‍ ഹിമാന്‍ഷു ധില്ലന്‍ വെള്ളിയും രുദ്രാക്ഷ് പാട്ടീല്‍ വെങ്കലവും സ്വന്തമാക്കി ഇന്ത്യയുടെ അഭിമാനമുയര്‍ത്തി.
മിക്‌സ്ഡ് മാര്‍ഷ്യല്‍ ആര്‍ട്‌സില്‍ ഇന്ത്യക്കായി സുചിക താരിയാല്‍ വെങ്കല മെഡല്‍ നേടി. സെമിയില്‍ സിംഗപ്പൂരിനെതിരായ മത്സരം സമനിലയില്‍ അവസാനിച്ചെങ്കിലും, എതിരാളിയേക്കാള്‍ 700 ഗ്രാം ഭാരം കൂടുതലായത് സുചികയ്ക്ക് തിരിച്ചടിയായി. 2022ലെ കോമണ്‍വെല്‍ത്ത് ഗെയിംസില്‍ ജൂഡോ മത്സരങ്ങളിലും, 2023ലെ ഏഷ്യന്‍ ഗെയിംസില്‍ കുറാഷ് ഇനത്തിലും സുചിക ഇന്ത്യക്കായി മത്സരിച്ചിട്ടുണ്ട്.
News Now
ചന്ദ്രനില്‍ ആണവ റിയാക്ടറുകള്‍ സ്ഥാപിക്കാന്‍ അമേരിക്കയും ചൈനയും റഷ്യയും; റിപ്പോര്‍ട്ട്
കളങ്കാവലിന് ശേഷം ജിതിന്‍ കെ ജോസ്; ജയസൂര്യ ചിത്രം 'മായന്‍' പൂര്‍ത്തിയായി; റിലീസ് ഡിസംബര്‍ 3 ന്
റഷ്യയിൽ ലാബ് ടെക്നീഷ്യൻ പ്ലേഗ് ബാധിച്ച് മരിച്ചതായി സംശയം: 5 ആശുപത്രികൾ അടപ്പിച്ചു; ഇരുനൂറിലേറെ പേർ ക്വാറന്റീനിൽ
മകളുടെ വിദ്യാഭ്യാസത്തിന് 72 ലക്ഷം രൂപ സമ്പാദിക്കാം, ഗ്യാരണ്ടീഡ് റിട്ടേണ്‍; ചെയ്യേണ്ടത് ഇത്രമാത്രം
Summary
India-Pakistan Handshake Controversy at Asian Games 2026: TT Teams Defy Cricket Norms
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
