56 പന്തില്‍ 88 റണ്‍സ്... 'മിന്നി', മിന്നു മണി! ഇന്ത്യക്ക് ത്രില്ലര്‍ ജയം സമ്മാനിച്ച് മലയാളി താരം
ഓസ്‌ട്രേലിയ വനിതാ എ ടീമിനെതിരായ ഏകദിന പരമ്പര സ്വന്തമാക്കി ഇന്ത്യ വനിതാ എ ടീം
Minnu Manix
Edited by :രഞ്ജിത്ത് കാർത്തിക
Last Updated :26 സെപ്റ്റംബർ 2026, 12:18 pm IST
മൊഹാലി: ഓസ്‌ട്രേലിയ വനിതാ എ ടീമിനെതിരായ ഏകദിന പരമ്പര സ്വന്തമാക്കി ഇന്ത്യ വനിതാ എ ടീം. മൂന്നാം പോരാട്ടത്തില്‍ കൂറ്റന്‍ സ്‌കോറുകള്‍ പിറന്നപ്പോള്‍ ഇന്ത്യന്‍ ജയത്തില്‍ നിര്‍ണായകമായത് മലയാളി താരം മിന്നു മണിയുടെ കിടിലന്‍ ബാറ്റിങ്. ടോപ് സ്‌കോററായി വനയാട്ടുകാരി മാറിയപ്പോള്‍ നാല് വിക്കറ്റ് വിജയമാണ് ഇന്ത്യ സ്വന്തമാക്കിയത്. പരമ്പര 2-1ന് ഇന്ത്യ പിടിച്ചെടുക്കുകയും ചെയ്തു.
മൂന്നാം പോരാട്ടത്തില്‍ ആദ്യം ബാറ്റ് ചെയ്ത ഓസ്‌ട്രേലിയന്‍ വനിതകള്‍ 9 വിക്കറ്റ് നഷ്ടത്തില്‍ 362 റണ്‍സ് അടിച്ചുകൂട്ടി. മറുപടി ബാറ്റിങിനു ഇറങ്ങിയ ഇന്ത്യ 48.2 ഓവറില്‍ 6 വിക്കറ്റ് മാത്രം നഷ്ടത്തില്‍ 364 റണ്‍സ് അടിച്ചെടുത്താണ് ത്രില്ലര്‍ ജയം സ്വന്തമാക്കിയത്.
ജയത്തിലേക്ക് ബാറ്റെടുത്ത ഇന്ത്യക്കായി മിന്നുവിന് പുറമെ തനിഷ സിങ്, ക്യാപ്റ്റന്‍ അനുഷ്‌ക ശര്‍മ, നികി പ്രസാദ് എന്നിവരും അര്‍ധ സെഞ്ച്വറി നേടി. ഏഴാം സ്ഥാനത്ത് ബാറ്റിങിനെത്തിയ മിന്നു മണിയാണ് കളിയുടെ ഗതി അതിവേഗം തിരിച്ചത്. താരം 56 പന്തില്‍ 12 ഫോറും 3 സിക്‌സും സഹിതം 88 റണ്‍സ് വാരി പുറത്താകാതെ നിന്നാണ് ഇന്ത്യയെ ജയത്തിലെത്തിച്ചത്.
WHAT TO READ NEXT
'ഗോൾഡൻ ഇന്ത്യ'! കബഡി സ്വർണം വിട്ടുകൊടുക്കാതെ വനിതകള്‍
തനിഷ സിങ് 60 റണ്‍സും അനുഷ്‌ക 58 റണ്‍സും നികി പ്രസാദ് 76 റണ്‍സ് അടിച്ചു. ദിനേഷ് വൃന്ദ (34), ജിന്‍ഡിമണി കലിത (പുറത്താകാതെ 19) എന്നിവരും ഇന്ത്യന്‍ സ്‌കോറിലേക്ക് സംഭാവന നല്‍കി.
നേരത്തെ ആദ്യം ബാറ്റ് ചെയ്ത ഓസ്‌ട്രേലിയക്കായി ചാര്‍ലി നോട്ട് സെഞ്ച്വറി നേടി. താരം 70 പന്തില്‍ 12 ഫോറും 5 സിക്‌സും സഹിതം 109 റണ്‍സെടുത്തു. കോര്‍ട്‌നി വെബ് 95 റണ്‍സ് കണ്ടെത്തി. ഇരുവരുടേയും മികവിലാണ് ഓസീസ് വനിതകള്‍ കൂറ്റന്‍ സ്‌കോര്‍ അടിച്ചത്.
ഇന്ത്യക്കായി വൈഷ്ണവി ശര്‍മ, നികി പ്രസാദ് എന്നിവര്‍ 4 വീതം വിക്കറ്റുകള്‍ വീഴ്ത്തി. 4 വിക്കറ്റും അര്‍ധ സെഞ്ച്വറിയുമായി നികി ഓള്‍റൗണ്ട് മികവ് പുറത്തെടുത്തു.
WHAT TO READ NEXT
ഇന്ത്യ പൊരുതി വീണു; സ്‌ക്വാഷില്‍ ആശ്വാസ വെങ്കലം
News Now
വാട്‌സ്ആപ്പില്‍ പുത്തന്‍ ഫീച്ചര്‍; എന്താണ് 'റെസ്ട്രിക്റ്റഡ് ചാറ്റ്' ഫീച്ചര്‍, എങ്ങനെ ഉപയോഗിക്കാം
അമേരിക്കന്‍ കേന്ദ്ര ബാങ്ക് പലിശനിരക്ക് കൂട്ടുമോ?, സെന്‍സെക്‌സ് 400 പോയിന്റ് കുതിച്ചു; എണ്ണവില 101 ഡോളറിന് മുകളില്‍ തന്നെ
ജനപ്രതിനിധികളും ഒപ്പം ചാടട്ടെ; 'കുളമാക്കി' എംഎല്‍എയുടെ ഉദ്ഘാടനം
72 ഭൂരഹിത കുടുംബങ്ങളുടെ സ്വന്തം വീടെന്ന സ്വപ്നം പെരുവഴിയിൽ: കോഴിക്കോട് നടുവണ്ണൂർ ലൈഫ് മിഷൻ പദ്ധതി 5 വർഷമായി സ്തംഭനാവസ്ഥയിൽ
Summary
Minnu Mani and Nikki Prasad led a spirited chase as India-A beat Australia-A by four wickets in another high-scoring encounter at the Punjab Cricket Association IS Bindra Stadium in Mohali on Friday. The win helped India seal the one-day series 2-1
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
