സ്വര്‍ണം നിലനിര്‍ത്താന്‍ നീരജ് ചോപ്ര; ഇവര്‍ വെല്ലുവിളി

അത്‌ലറ്റിക്‌സ് വ്യക്തിഗത ഇനത്തില്‍ ആദ്യമായി ഒളിംപിക്‌സ് സ്വര്‍ണം നേടുന്ന ഇന്ത്യന്‍ താരമായി നീരജ് ചോപ്ര മാറി. പാരിസ് ഒളിംപിക്‌സിനു ഇനി ദിവസങ്ങള്‍ മാത്രം. നീരജ് സുവര്‍ണ നേട്ടം ആവര്‍ത്തിക്കുമോ എന്നാണ് ആരാധകര്‍ ഉറ്റു നോക്കുന്നത്.

ടോക്യോ ഒളിംപിക്‌സില്‍ 87.58 മീറ്റര്‍ ദൂരത്തേക്ക് ജാവലിന്‍ എറിഞ്ഞാണ് നീരജ് സുവര്‍ണ നേട്ടത്തോടെ ചരിത്രത്തില്‍ തന്റെ പേര് എഴുതി വച്ചത്.

ചെക്ക് റിപ്പബ്ലിക്കിന്റെ യാക്കൂബ് വാദ്‌ലെഹാണ് ടോക്യോ ഒളിംപിക്‌സില്‍ നീരജിനു പിന്നില്‍ രണ്ടാമത് ഫിനിഷ് ചെയ്തത്. 2020ലെ വെള്ളി സ്വര്‍ണമാക്കാനാണ് താരം ഒരുങ്ങുന്നത്. മികച്ച പ്രകടനം 90.88 മീറ്റര്‍. നീരജിനു പ്രധാന വെല്ലുവിളിയാണ് ചെക്ക് താരം.

ജര്‍മന്‍ ജാവലിന്‍ താരമായ ജൂലിയന്‍ വെബര്‍ നിലവില്‍ ലോക മൂന്നാം നമ്പര്‍ താരമാണ്. കഴിഞ്ഞ വര്‍ഷം നടന്ന ജര്‍മന്‍ ചാമ്പ്യന്‍ഷിപ്പില്‍ 88.72 മീറ്റര്‍ ജാവലിന്‍ പായിച്ചതാണ് സമീപ കാലത്തെ മികച്ച പ്രകടനം.

നീരജിന്റെ കടുത്ത എതിരാളിയാണ് പാകിസ്ഥാന്‍ താരം അര്‍ഷാദ് നദീം. സമീപ കാലത്ത് ഏഷ്യന്‍ ഗെയിംസില്‍ വെങ്കലവും ലോക ചാമ്പ്യന്‍ഷിപ്പില്‍ വെള്ളിയും അര്‍ഷാദ് നേടി.

നീരജിനൊപ്പം പരിശീലനമടക്കം ചെയ്ത സഹ താരമാണ് ഇന്ത്യയുടെ തന്നെ കിഷോര്‍ കുമാര്‍ ജെന. 87.5 മീറ്റര്‍ താണ്ടി ഏഷ്യന്‍ ഗെയിംസില്‍ വെള്ളി നേടിയാണ് താരം നില്‍ക്കുന്നത്. കിഷോറും നീരജിനു വെല്ലുവിളി തീര്‍ക്കാന്‍ പര്യാപ്തനായ താരമാണ്.

ഗ്രനാഡയുടെ താരം. രണ്ട് തവണ ലോക (2019, 22) ചാമ്പ്യനായ താരമാണ് ആന്‍ഡേഴ്‌സന്‍ പീറ്റേഴ്‌സ്. കോമണ്‍വെല്‍ത്ത് ഗെയിംസില്‍ വെള്ളി നേട്ടം. നീരജിനു കടുത്ത വെല്ലുവിളിയായിരിക്കും ആന്‍ഡേഴ്‌സന്‍.