29 പന്തില്‍ ഫിഫ്റ്റി, 65ല്‍ സെഞ്ച്വറി; ഇന്ത്യക്കെതിരെ അതിവേഗ ശതകവുമായി ജോണ്‍ കാംപെല്‍; വിന്‍ഡീസ് കൂറ്റന്‍ സ്‌കോറിലേക്ക്
വെസ്റ്റ് ഇന്‍ഡീസ് ഏകദിന ചരിത്രത്തിലെ അഞ്ചാമത്തെ അതിവേഗ സെഞ്ച്വറിയാണ് കാംപെല്‍ കുറിച്ചത്. ഇന്ത്യയ്ക്കെതിരെ ഒരു കരീബിയന്‍ താരം നേടുന്ന ഏറ്റവും വേഗമേറിയ സെഞ്ച്വറിയുമാണ് ഇത്
ജോണ്‍ കാംപെല്‍
Edited by :Sujith
Last Updated :30 സെപ്റ്റംബർ 2026, 4:53 pm IST
ഗുവാഹാട്ടി: ഇന്ത്യക്കെതിരായ രണ്ടാം ഏകദിനത്തില്‍ വിന്‍ഡീസ് മികച്ച സ്‌കോറിലേക്ക്. വിന്‍ഡീസ് താരം ജോണ്‍ കാംപെല്‍ സെഞ്ച്വറി നേടി. ക്യാപ്റ്റന്‍ ഷായ് ഹോപ്, അമിര്‍ ജാംഗൂ എന്നിവര്‍ അര്‍ധ സെഞ്ച്വറി നേടി.
65 പന്തിലാണ് ജോണ്‍ കാംപെല്‍ സെഞ്ച്വറി നേടിയത്. സെഞ്ച്വറി നേടിയതിന് തൊട്ടുപിന്നാലെ ഗുര്‍നൂര്‍ ബ്രാര്‍ കാംപെല്ലിനെ വീഴ്ത്തി. ഒന്‍പത് ഫോറും അഞ്ച് സിക്‌സും ഉള്‍പ്പടെ താരം 68 പന്തില്‍ നിന്ന് 101 റണ്‍സ് നേടി. 33 ഓവര്‍ പിന്നിടുമ്പോള്‍ രണ്ട് വിക്കറ്റ് നഷ്ടത്തില്‍ 260 റണ്‍സ് എന്ന നിലയിലാണ് ആതിഥേയര്‍ അര്‍ധ സെഞ്ച്വറിയുമായി ഹോപും അമിറുമാണ് ക്രീസില്‍. കെസി കാര്‍ട്ടി ഇത്തവണയും ഫോമിലേക്ക് ഉയര്‍ന്നില്ല. പന്തുപന്തുകള്‍ നേരിട്ട താരം ഒന്‍പത് റണ്‍സ് മാത്രമാണ് നേടിയത്. പ്രസിദ്ധ് കൃഷ്ണയ്ക്കാണ് കാര്‍ട്ടിയുടെ വിക്കറ്റ്.
വെസ്റ്റ് ഇന്‍ഡീസ് ഏകദിന ചരിത്രത്തിലെ അഞ്ചാമത്തെ അതിവേഗ സെഞ്ച്വറിയാണ് കാംപെല്‍ കുറിച്ചത്. ഇന്ത്യയ്ക്കെതിരെ ഒരു കരീബിയന്‍ താരം നേടുന്ന ഏറ്റവും വേഗമേറിയ സെഞ്ച്വറിയുമാണ് ഇത്. പവര്‍പ്ലേയില്‍ പ്രസിദ്ധ് കൃഷ്ണയെയും ആക്വിബ് നബിയെയും മൈതാനത്തിന്റെ തലങ്ങും വിലങ്ങും സിക്‌സും ഫോറുകളും പറത്തിയാണ് സെഞ്ച്വറി തികച്ചത്. 29 പന്തില്‍ നിന്ന് തന്റെ അര്‍ധസെഞ്ച്വറി തികച്ചു.
ടോസ് നേടിയ ഇന്ത്യ വിന്‍ഡീസിനെ ബാറ്റിങ്ങിനയക്കുകയായിരുന്നു. ഇന്ത്യയ്ക്കായി പേസര്‍ ആഖ്വിബ് നബി അരങ്ങേറ്റം കുറിക്കും. തിരുവനന്തപുരത്ത് ആദ്യമത്സരത്തില്‍ ജയിച്ച ഇന്ത്യ 1-0ത്തിന് മുന്നിലാണ്. ഈ മത്സരം ജയിച്ചാല്‍ പരമ്പര സ്വന്തമാകും.
ഇന്ത്യ: രോഹിത് ശര്‍മ, ശുഭ്മന്‍ ഗില്‍ (ക്യാപ്റ്റന്‍), വിരാട് കോഹ്ലി, ഋതുരാജ് ഗെയ്ക്വാദ്, കെഎല്‍ രാഹുല്‍ (വിക്കറ്റ് കീപ്പര്‍), നമന്‍ ധീര്‍, രവീന്ദ്ര ജഡേജ, ആഖിബ് നബി, കുല്‍ദീപ് യാദവ്, ഗുര്‍നൂര്‍ ബ്രാര്‍, പ്രസിദ്ധ് കൃഷ്ണ
വെസ്റ്റ് ഇന്‍ഡീസ്: ജോണ്‍ ക്യാംപ്ബെല്‍, കീസി കാര്‍ട്ടി, ഷായ് ഹോപ്പ് (ക്യാപ്റ്റന്‍ & വിക്കറ്റ് കീപ്പര്‍), ആമിര്‍ ജങ്കൂ, ഷെര്‍ഫെയ്ന്‍ റൂഥര്‍ഫോര്‍ഡ്, റോസ്റ്റണ്‍ ചേസ്, കീമോ പോള്‍, അല്‍സാരി ജോസഫ്, ഷമര്‍ ജോസഫ്, ജെയ്ഡന്‍ സീല്‍സ്, വിറ്റെല്‍ ലോസ്
News Now
ചന്ദ്രനില്‍ ആണവ റിയാക്ടറുകള്‍ സ്ഥാപിക്കാന്‍ അമേരിക്കയും ചൈനയും റഷ്യയും; റിപ്പോര്‍ട്ട്
കളങ്കാവലിന് ശേഷം ജിതിന്‍ കെ ജോസ്; ജയസൂര്യ ചിത്രം 'മായന്‍' പൂര്‍ത്തിയായി; റിലീസ് ഡിസംബര്‍ 3 ന്
റഷ്യയിൽ ലാബ് ടെക്നീഷ്യൻ പ്ലേഗ് ബാധിച്ച് മരിച്ചതായി സംശയം: 5 ആശുപത്രികൾ അടപ്പിച്ചു; ഇരുനൂറിലേറെ പേർ ക്വാറന്റീനിൽ
മകളുടെ വിദ്യാഭ്യാസത്തിന് 72 ലക്ഷം രൂപ സമ്പാദിക്കാം, ഗ്യാരണ്ടീഡ് റിട്ടേണ്‍; ചെയ്യേണ്ടത് ഇത്രമാത്രം
Summary
Who Is John Campbell? To Hitting 65-Ball 100 Against India
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
