36 കിലോമീറ്റര്‍ റേഞ്ച്, സ്വിഫ്റ്റ്, ബലേനോ, ഡിസൈര്‍ സിഎന്‍ജി എഎംടി വേരിയന്റുകള്‍ വിപണിയില്‍; അറിയാം പ്രത്യേകതകള്‍
പ്രമുഖ വാഹന നിര്‍മ്മാതാക്കളായ മാരുതി സുസുക്കി അവരുടെ ജനപ്രിയ മോഡലുകളായ സ്വിഫ്റ്റിന്റെയും ബലേനോയുടെയും ഡിസൈറിന്റെയും സിഎന്‍ജി എഎംടി വേരിയന്റുകള്‍ പുറത്തിറക്കി
Swift, Baleno, and Dzire CNG AMT variants launchedsource: Maruti Suzuki
Edited by :Dhanoj AM
Last Updated :19 സെപ്റ്റംബർ 2026, 12:19 pm IST
ന്യൂഡല്‍ഹി: പ്രമുഖ വാഹന നിര്‍മ്മാതാക്കളായ മാരുതി സുസുക്കി അവരുടെ ജനപ്രിയ മോഡലുകളായ സ്വിഫ്റ്റിന്റെയും ബലേനോയുടെയും ഡിസൈറിന്റെയും സിഎന്‍ജി എഎംടി വേരിയന്റുകള്‍ പുറത്തിറക്കി. സ്വിഫ്റ്റ് സിഎന്‍ജി എഎംടി വേരിയന്റിന് 7.92 ലക്ഷം രൂപയാണ് എക്‌സ് ഷോറൂം വില. ബലേനോ സിഎന്‍ജി എഎംടി വേരിയന്റിന് 8.32 ലക്ഷം രൂപയും ഡിസൈര്‍ സിഎന്‍ജി എഎംടി വേരിയന്റിന് 8.53 ലക്ഷം രൂപയുമാണ് എക്‌സ് ഷോറൂം വില.
69 ബിഎച്ച്പി കരുത്തും 101.8 എന്‍എം ടോര്‍ക്കും ഉല്‍പ്പാദിപ്പിക്കുന്ന 1.2 ലിറ്റര്‍ ഇസഡ് സീരീസ് പെട്രോള്‍ എന്‍ജിനാണ് ബലേനോ സിഎന്‍ജിയിലുള്ളത്. ഡെല്‍റ്റ, സെറ്റാ വേരിയന്റുകളിലാണ് ബലേനോ സിഎന്‍ജി എഎംടി വിപണിയില്‍ ലഭ്യമാകുക. വിഎക്‌സ്‌ഐ, വിഎക്‌സ്‌ഐ (O), ഇസഡ്എക്‌സ്‌ഐ വേരിയന്റുകളില്‍ മാത്രമാണ് സ്വിഫ്റ്റ് സിഎന്‍ജി എഎംടി ലഭ്യമാകുക. 15 ഇഞ്ച് ടയറുകള്‍, ഉയരം അഡ്‌ജെസ്റ്റ് ചെയ്യാന്‍ കഴിയുന്ന തരത്തിലുള്ള ഡ്രൈവര്‍ സീറ്റ്, സിക്‌സ് സ്പീക്കറുകള്‍, വയര്‍ലെസ് ചാര്‍ജിങ് പാഡ്, വാഷര്‍ ഉള്‍പ്പെടെയുള്ള റിയര്‍ വൈപ്പര്‍, ഓട്ടോമാറ്റിക് എസി, റിയര്‍ എസി വെന്റുകള്‍, ഫുള്‍ എല്‍ഇഡി ലൈറ്റ് സെറ്റപ്പ് എന്നിവയാണ് സ്വിഫ്റ്റ് സിഎന്‍ജിയുടെ പ്രത്യേകതകള്‍. 68.74 ബിഎച്ച്പി കരുത്തും 101.8 എന്‍എം ടോര്‍ക്കും ഉല്‍പ്പാദിപ്പിക്കാന്‍ കഴിയുന്ന 1.2 ലിറ്റര്‍ മോട്ടോര്‍ ആണ് ഇതില്‍ ക്രമീകരിച്ചിരിക്കുന്നത്.
വിഎക്‌സ്‌ഐ, ഇസഡ്എക്‌സ്‌ഐ ട്രിമ്മുകളിലാണ് ഡിസൈര്‍ സിഎന്‍ജി എഎംടി വിണിയില്‍ ലഭ്യമാകുക. 68.7 ബിഎച്ച്പി കരുത്തും 101 എന്‍എം ടോര്‍ക്കും ഉല്‍പ്പാദിപ്പിക്കാന്‍ കഴിയുന്ന 1.2 ലിറ്റര്‍ ഇസഡ് സീരീസ് പെട്രോള്‍ എന്‍ജിനാണ് ഇതില്‍ ക്രമീകരിച്ചിരിക്കുന്നത്. 36.47 കിലോമീറ്റര്‍ റേഞ്ച് ആണ് പ്രതീക്ഷിക്കുന്നത്.
News Now
'എന്നെ ഓര്‍മ്മിക്കാനായി... നന്ദിയോടെ'; അധ്യാപക ദിനത്തില്‍ 55 വര്‍ഷം പഴക്കമുള്ള ചിത്രം പങ്കിട്ട് യുഎഇ പ്രസിഡന്റ്
ലൈഫ് പദ്ധതി തുടരും; ലക്ഷ്യം ഭവനരഹിതരില്ലാത്ത കേരളമെന്ന് മുഖ്യമന്ത്രി
ഇത് ലൈംഗികാതിക്രമത്തിന് തുല്യം, മനുഷ്യനായി പരിഗണിക്കമെന്ന് ആവശ്യപ്പെടുന്നത് കൂടുതലാണോ?: ജാന്‍വി കപൂര്‍
'കുറ്റകൃത്യം ചെയ്താൽ തീർന്നുപോകുമെന്ന ഭയം ക്രിമിനലുകളിൽ ഉണ്ടാക്കണം': സുപ്രീം കോടതി
Summary
Swift, Baleno, and Dzire CNG AMT variants launched
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
