2.74 ലക്ഷം രൂപ വില, ട്രയംഫിന്റെ അടുത്ത കരുത്തന്‍; ത്രക്സ്റ്റണ്‍ 400 ഇന്ത്യന്‍ വിപണിയില്‍, അറിയാം ഫീച്ചറുകള്‍
പ്രമുഖ ബ്രിട്ടീഷ് പ്രീമിയം ബൈക്ക് നിര്‍മ്മാതാക്കളായ ട്രയംഫിന്റെ പുതിയ മോട്ടോര്‍ സൈക്കിള്‍ ആയ ത്രക്സ്റ്റണ്‍ 400 ഇന്ത്യയില്‍ പുറത്തിറക്കി
Triumph Thruxton 400SOURCE: X
Edited by :dhanojam
Last Updated :12 ഓഗസ്റ്റ് 2025, 11:10 am IST
മുംബൈ: പ്രമുഖ ബ്രിട്ടീഷ് പ്രീമിയം ബൈക്ക് നിര്‍മ്മാതാക്കളായ ട്രയംഫിന്റെ പുതിയ മോട്ടോര്‍ സൈക്കിള്‍ ആയ ത്രക്സ്റ്റണ്‍ 400 ഇന്ത്യയില്‍ പുറത്തിറക്കി. 2.74 ലക്ഷം രൂപയാണ് വില(എക്‌സ്-ഷോറൂം, ഡല്‍ഹി). സ്പീഡ് 400, സ്‌ക്രാംബ്ലര്‍ 400, സ്പീഡ് T4, സ്‌ക്രാംബ്ലര്‍ 400 XC എന്നിവയ്ക്ക് ശേഷം ട്രയംഫിന്റെ 400cc പോര്‍ട്ട്‌ഫോളിയോയിലെ അഞ്ചാമത്തെ മോട്ടോര്‍സൈക്കിളാണ് ത്രക്സ്റ്റണ്‍ 400. ട്രയംഫിന്റെ 400 സിസി നിരയില്‍ സ്‌ക്രാംബ്ലര്‍ 400 എക്സിന് മുകളിലാണ് ഇത് സ്ഥാനം പിടിച്ചിരിക്കുന്നത്.
ട്രയംഫിന്റെ 400 സിസി മോഡല്‍ ശ്രേണിയിലെ ഏറ്റവും മികച്ച ലുക്കുള്ള ബൈക്കാണ് ത്രക്സ്റ്റണ്‍ 400 എന്നാണ് കമ്പനി അവകാശപ്പെടുന്നത്. സ്പീഡ് 400 നെ അപേക്ഷിച്ച് നിരവധി ഫങ്ഷണല്‍, മെക്കാനിക്കല്‍ അപ്ഗ്രേഡുകളോടെയാണ് പുതിയ ബൈക്ക്. പിന്‍ഭാഗത്തെ സബ്-ഫ്രെയിം പുനര്‍രൂപകല്‍പ്പന ചെയ്തിട്ടുണ്ട്. ക്ലിപ്പ്-ഓണ്‍ ഹാന്‍ഡില്‍ബാറുകളും റീപോസിഷന്‍ ചെയ്ത റൈഡര്‍ ഫുട്പെഗുകളും സ്പോര്‍ട്ടിയര്‍ എര്‍ഗണോമിക്സ് വാഗ്ദാനം ചെയ്യുന്നു.
സ്‌റ്റൈലിന്റെ കാര്യത്തില്‍ ടിയര്‍ഡ്രോപ്പ് ആകൃതിയിലുള്ള ഇന്ധന ടാങ്ക്, പുനര്‍രൂപകല്‍പ്പന ചെയ്ത സൈഡ് പാനലുകള്‍ എന്നിവ ഇതിനെ വ്യത്യസ്തമാക്കുന്നു. പിന്‍ഭാഗത്ത് ഒരു സ്ലിം ഫെന്‍ഡറും പുതിയ ടെയില്‍ലൈറ്റ് അസംബ്ലിയും ഉപയോഗിച്ച് പുതുമ നല്‍കിയിട്ടുണ്ട്. മോട്ടോര്‍സൈക്കിളില്‍ വീതിയേറിയതും റീ-പ്രൊഫൈല്‍ ചെയ്തതുമായ സീറ്റ് ഉണ്ട്. മുന്നോട്ട് ചായ്വുള്ള ഒരു പോസിഷന്‍ ആണ് ഇത് നല്‍കുന്നത്.
മറ്റു 400 സിസി ബൈക്കുകള്‍ക്ക് കരുത്ത് പകരുന്ന അതേ 398 സിസി, ലിക്വിഡ്-കൂള്‍ഡ്, TR-സീരീസ് എന്‍ജിനാണ് ത്രക്സ്റ്റണ്‍ 400 നും കരുത്ത് പകരുന്നത്. ഇതിലെ മോട്ടോര്‍ 9,000 ആര്‍പിഎമ്മില്‍ 41.5 ബിഎച്ച്പിയും 7,500 ആര്‍പിഎമ്മില്‍ 37.5 എന്‍എമ്മും പുറപ്പെടുവിക്കുന്നു. ശ്രദ്ധേയമായ കാര്യം, എന്‍ജിന് ലഭിച്ച പുതിയ ക്യാഷാഫ്റ്റ് ഉയര്‍ന്ന പവറും ടോര്‍ക്കും നല്‍കാന്‍ സഹായിക്കുന്നു.
സ്‌പോര്‍ട്ടിയറും കൂടുതല്‍ ആകര്‍ഷകവുമായ റൈഡ് അനുഭവം നല്‍കുന്നതിനായി ട്രയംഫ് സസ്‌പെന്‍ഷന്‍ സജ്ജീകരണവും പരിഷ്‌കരിച്ചിട്ടുണ്ട്. ലാവ റെഡ് ഗ്ലോസ്, പേള്‍ മെറ്റാലിക് വൈറ്റ്, ഫാന്റം ബ്ലാക്ക്, മെറ്റാലിക് റേസിംഗ് യെല്ലോ എന്നി നാല് നിറങ്ങളില്‍ ത്രക്സ്റ്റണ്‍ 400 ലഭ്യമാണ്.
News Now
ചന്ദ്രനില്‍ ആണവ റിയാക്ടറുകള്‍ സ്ഥാപിക്കാന്‍ അമേരിക്കയും ചൈനയും റഷ്യയും; റിപ്പോര്‍ട്ട്
കളങ്കാവലിന് ശേഷം ജിതിന്‍ കെ ജോസ്; ജയസൂര്യ ചിത്രം 'മായന്‍' പൂര്‍ത്തിയായി; റിലീസ് ഡിസംബര്‍ 3 ന്
റഷ്യയിൽ ലാബ് ടെക്നീഷ്യൻ പ്ലേഗ് ബാധിച്ച് മരിച്ചതായി സംശയം: 5 ആശുപത്രികൾ അടപ്പിച്ചു; ഇരുനൂറിലേറെ പേർ ക്വാറന്റീനിൽ
മകളുടെ വിദ്യാഭ്യാസത്തിന് 72 ലക്ഷം രൂപ സമ്പാദിക്കാം, ഗ്യാരണ്ടീഡ് റിട്ടേണ്‍; ചെയ്യേണ്ടത് ഇത്രമാത്രം
Summary
Triumph Thruxton 400 Launched in India at Rs. 2.74 Lakh
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
