കാലാവസ്ഥാ മാറ്റത്തെക്കുറിച്ച് ഗവേഷണം നടത്താം; കേരള സർക്കാർ ഫെലോഷിപ്പ് നൽകും
പരിസ്ഥിതി സംരക്ഷണം, കാലാവസ്ഥാ വ്യതിയാന പ്രതിരോധം, സുസ്ഥിര വികസനം തുടങ്ങിയ മേഖലകളിൽ ഗുണമേന്മയുള്ള ഗവേഷണങ്ങൾ നടത്താൻ യുവ ഗവേഷകർക്ക് സാമ്പത്തിക പിന്തുണ നൽകുക എന്നതാണ് പദ്ധതിയുടെ പ്രധാന ലക്ഷ്യം.
Kerala Government Launches ‘Ujjwal’ Fellowship for Young Climate Researchers.Source by : file
Last Updated :19 June 2026, 7:03 pm IST
Guest Author :Joice Daniel
കേരള സർക്കാർ പരിസ്ഥിതി & കാലാവസ്ഥാ വ്യതിയാന ഡയറക്ടറേറ്റ് (DoECC) സംസ്ഥാനത്തെ കാലാവസ്ഥാ വ്യതിയാനവുമായി ബന്ധപ്പെട്ട ഗവേഷണങ്ങൾക്കായി ‘ഉജ്ജ്വൽ പോസ്റ്റ് ഡോക്ടറൽ ഫെല്ലോഷിപ്പ്’ പദ്ധതിയിലേക്ക് അപേക്ഷിക്കാം.
പരിസ്ഥിതി സംരക്ഷണം, കാലാവസ്ഥാ വ്യതിയാന പ്രതിരോധം, സുസ്ഥിര വികസനം തുടങ്ങിയ മേഖലകളിൽ ഗുണമേന്മയുള്ള ഗവേഷണങ്ങൾ നടത്താൻ യുവ ഗവേഷകർക്ക് സാമ്പത്തിക പിന്തുണ നൽകുക എന്നതാണ് പദ്ധതിയുടെ പ്രധാന ലക്ഷ്യം.
ആർക്കൊക്കെ അപേക്ഷിക്കാം?
പി.എച്ച്.ഡി നേടിയ കേരള സ്വദേശികൾക്ക് അപേക്ഷിക്കാം.
അപേക്ഷകർക്ക് 40 വയസിൽ താഴെ പ്രായമുണ്ടായിരിക്കണം.
'Science Citation Indexed' ജേർണലുകളിൽ കുറഞ്ഞത് രണ്ട് ഗവേഷണ പ്രബന്ധങ്ങളോ ഒരു പേറ്റന്റോ ഉണ്ടായിരിക്കണം.
അപേക്ഷിക്കുന്ന ഗവേഷകന് മാർഗനിർദേശം നൽകാൻ തയ്യാറായ മെന്ററെ കണ്ടെത്തണം.
മെന്റർ കുറഞ്ഞത് മൂന്ന് പി.എച്ച്.ഡി ഗവേഷകരെ വിജയകരമായി നയിച്ച വ്യക്തിയായിരിക്കണം.
ഗവേഷണ മേഖലകൾ
കാലാവസ്ഥാ വ്യതിയാനവുമായി നേരിട്ടോ പരോക്ഷമായോ ബന്ധപ്പെട്ട വിവിധ മേഖലകളിൽ ഗവേഷണ നിർദേശങ്ങൾ സമർപ്പിക്കാം.
ജലവിഭവ പരിപാലനം, കൃഷി, മത്സ്യബന്ധനം, വനസംരക്ഷണം, ജൈവവൈവിധ്യം, പൊതുജനാരോഗ്യം, ദുരന്തനിവാരണം, നവീന ഊർജ സാങ്കേതികവിദ്യകൾ, കാർബൺ മാനേജ്മെന്റ്, നഗര വികസനം, തീരദേശ സംരക്ഷണം തുടങ്ങിയ മേഖലകൾക്ക് പ്രത്യേക പ്രാധാന്യം നൽകും.
കേരളത്തിന്റെ കാലാവസ്ഥാ പ്രതിരോധ ശേഷി വർധിപ്പിക്കുന്നതും സർക്കാർ നയരൂപീകരണത്തിന് സഹായകരമാകുന്നതുമായ ഗവേഷണങ്ങൾക്ക് കൂടുതൽ പരിഗണന ലഭിക്കുമെന്ന് ഡയറക്ടറേറ്റ് വ്യക്തമാക്കിയിട്ടുണ്ട്.
ഫെലോഷിപ്പ് തുക
ഫെലോഷിപ്പിന്റെ കാലാവധി മൂന്ന് വർഷമാണ്.
ഒന്നാം വർഷം: പ്രതിമാസം ₹38,500 + 10% HRA
രണ്ടാം വർഷം: പ്രതിമാസം ₹41,500 + 10% HRA
മൂന്നാം വർഷം: പ്രതിമാസം ₹46,500 + 10% HRA
കൂടാതെ,
വാർഷിക കണ്ടിൻജൻസി ഗ്രാന്റ്: ₹50,000
യാത്രാ ഗ്രാന്റ്: ₹20,000
ഭിന്നശേഷിക്കാർക്ക് പ്രതിമാസം ₹2,000 എസ്കോർട്ട്/റീഡർ അലവൻസ്
അപേക്ഷ സമർപ്പിക്കേണ്ട വിധം
വിശദമായ മാർഗനിർദേശങ്ങളും അപേക്ഷാ ഫോറവും പരിസ്ഥിതി & കാലാവസ്ഥാ വ്യതിയാന ഡയറക്ടറേറ്റിന്റെ ഔദ്യോഗിക വെബ്സൈറ്റിൽ ലഭ്യമാണ്. അപേക്ഷകർ നിർദേശങ്ങൾ ശ്രദ്ധാപൂർവം വായിച്ച് ആവശ്യമായ രേഖകൾ സഹിതം അപേക്ഷ സമർപ്പിക്കണം.
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
News Now
ഉച്ചയ്ക്ക് ചോറ് കഴിച്ചാൽ ഉറക്കം വരുമോ? ഭക്ഷണശീലങ്ങളിൽ വരുത്തേണ്ട മാറ്റങ്ങൾ
'പിഷു പോയപ്പോള്‍ കിഷു വന്നു'; മമ്മൂട്ടിയ്‌ക്കൊപ്പം കൈലാഷ്; പരിഹാസങ്ങള്‍ക്ക് മറുപടിയുമായി ജോളി ജോസഫ്
കേന്ദ്ര സർവകലാശാലയിൽ വിദ്യാർഥി സസ്പെൻഷനെതിരായ എസ്എഫ്ഐ മാർച്ചിൽ സംഘർഷം; പൊലീസ് ജലപീരങ്കി പ്രയോഗിച്ചു
'കഥകൾ മനുഷ്യരെ തമ്മിൽ കൂട്ടിയിണക്കും'; സത്യൻ അന്തിക്കാടിനെ കണ്ടതിന്റെ സന്തോഷം പങ്കുവച്ച് ജിസ്മ
Summary
Kerala Government Launches ‘Ujjwal’ Fellowship for Young Climate Researchers.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
