PMBI: 178 ഒഴിവുകൾ, ഫാർമസ്യൂട്ടിക്കൽസ് ആൻഡ് മെഡിക്കൽ ഡിവൈസസ് ബ്യൂറോയിൽ അവസരം !

ഫാർമസ്യൂട്ടിക്കൽസ് ആൻഡ് മെഡിക്കൽ ഡിവൈസസ് ബ്യൂറോ ഓഫ് ഇന്ത്യയിൽ (PMBI) വിവിധ തസ്തികകളിലേക്ക് നിയമനം. 178 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. 44 വ്യത്യസ്ത തസ്തികകളിലായാണ് ഒഴിവുകൾ. കരാർ അടിസ്ഥാനത്തിലാണ് നിയമനം നടത്തുന്നത്. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 24.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

വിഭാഗങ്ങൾ

സെയിൽസ് ആൻഡ് മാർക്കറ്റിങ്, പ്രൊക്യുർമെന്റ്, ക്വാളിറ്റി, ലോജിസ്റ്റിക്സ് ആൻഡ് സപ്ലൈ ചെയിൻ, ഫിനാൻസ് ആൻഡ് അക്കൗണ്ട്സ്, ഐ.ടി ആൻഡ് എം.ഐ.എസ്, എച്ച്.ആർ ആൻഡ് അഡ്മിനിസ്ട്രേഷൻ, ലീഗൽ, മീഡിയ, ഗ്രീവൻസ് ഡിവിഷൻ, ഇന്റർനാഷണൽ അസിസ്റ്റൻസ്, കോ- ഓർഡിനേഷൻ സെൽ തുടങ്ങിയ വിഭാഗങ്ങളിലാണ് ഒഴിവുകൾ.

വിജ്ഞാപനം: https://www.pmbi.co.in/vacancies/HR_Advt_No_022026_03092026.pdf

തസ്തികൾ

ജനറൽ മാനേജർ, ഡെപ്യൂട്ടി ജനറൽ മാനേജർ, മാനേജർ, ഡെപ്യൂട്ടി മാനേജർ, അസിസ്റ്റന്റ് മാനേജർ, സീനിയർ എക്സിക്യൂട്ടീവ്, സീനിയർ മാർക്കറ്റിങ് ഓഫീസർ, സീനിയർ ഫാർമസിസ്റ്റ്, എക്സിക്യൂട്ടീവ്, മാർക്കറ്റിങ് ഓഫീസർ, ഫാർമസിസ്റ്റ് തുടങ്ങിയ തസ്തികകളിലാണ് നിയമനം.

യോഗ്യത

• തസ്തികയ്ക്ക് അനുസരിച്ചാണ് വിദ്യാഭ്യാസ യോഗ്യതയും പ്രവൃത്തിപരിചയവും.

• ബിരുദം, B.Pharma, M.Pharma, B.Sc, B.Com, M.Com, B.Tech, M.Tech, MCA, BVSc & AH, LLB, Mass Communication/Journalism തുടങ്ങിയ യോഗ്യതകളുള്ളവർക്ക് വിവിധ തസ്തികകളിലേക്ക് അപേക്ഷിക്കാം.

• മിക്ക തസ്തികകൾക്കും ബന്ധപ്പെട്ട മേഖലയിൽ ഒന്നു മുതൽ 18 വർഷം വരെ പ്രവൃത്തിപരിചയം ആവശ്യമായി വരും.

• ഓരോ തസ്തികയുടെയും കൃത്യമായ യോഗ്യതയും പ്രവൃത്തിപരിചയവും പരിശോധിച്ച ശേഷമാണ് അപേക്ഷിക്കേണ്ടത്.

പ്രായപരിധി

തസ്തിക അനുസരിച്ച് പരമാവധി പ്രായപരിധിയിലും വ്യത്യാസമുണ്ട്. വിവിധ തസ്തികകൾക്ക് 28 മുതൽ 55 വയസ് വരെ പ്രായപരിധിയാണ് നൽകിയിരിക്കുന്നത്. പ്രായവും പ്രവൃത്തിപരിചയവും കണക്കാക്കുന്നത് വിജ്ഞാപനം പ്രസിദ്ധീകരിച്ച 2026 സെപ്റ്റംബർ 3 അടിസ്ഥാനമാക്കിയാണ്.

എങ്ങനെ അപേക്ഷിക്കാം?

ഓൺലൈനായി അപേക്ഷിക്കാനാകില്ല. നിശ്ചിത അപേക്ഷാ ഫോമിൽ വിവരങ്ങൾ പൂരിപ്പിച്ച് ആവശ്യമായ രേഖകൾ സഹിതം പോസ്റ്റ് അല്ലെങ്കിൽ കൊറിയർ വഴി ഹാർഡ് കോപ്പിയായി അപേക്ഷ സമർപ്പിക്കണം. അപേക്ഷാ ഫീസ് 100 രൂപയാണ്. ഡിമാൻഡ് ഡ്രാഫ്റ്റ് മുഖേനയാണ് ഫീസ് അടയ്ക്കേണ്ടത്. അപേക്ഷകൾ 2026 സെപ്റ്റംബർ 24 വൈകിട്ട് 5 മണിക്ക് മുമ്പായി ലഭിച്ചിരിക്കണം.

അപേക്ഷ അയയ്ക്കേണ്ട വിലാസം

General Manager (Finance & Administration)
Pharmaceuticals & Medical Devices Bureau of India (PMBI)
B-500, B-Tower, 5th Floor, World Trade Center,
Nauroji Nagar, New Delhi – 110029

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.pmbi.co.in/vacancies/HR_Advt_No_022026_03092026.pdf