നവവധുവിന് പാനിപൂരി വായിൽ വച്ചുകൊടുത്ത് വരൻ; സ്നേഹം തുളുമ്പുന്ന വിഡിയോ വൈറൽ  

വിവാഹദിനത്തിൽ നവവധുവിന് വരൻ സർപ്രൈസ് ഒരുക്കുന്നതൊക്കെ പതിവ് കാഴ്ചയാണ്. എന്നാലിതാ താലിചാർത്തിയതിന് പിന്നാലെ  ഭാര്യയ്ക്ക് പാനിപൂരി കൊടുക്കുന്ന വരന്റെ വിഡിയോയാണ് ഇപ്പോൾ വൈറലാകുന്നത്. വിവാഹവസ്ത്രങ്ങളിലാണ് ഇരുവരും വീഡിയോയിൽ ഉള്ളത്. 

ആരുഷി രജ്പുത്ത് എന്ന പേരിലെ ഇൻസ്റ്റ​ഗ്രാം അക്കൗണ്ടിലൂടെയാണ് വീഡിയോ പോസ്റ്റ് ചെയ്തിരിക്കുന്നത്. കടയിൽ നിന്ന് വരൻ വധുവിന് പാനിപൂരി വായിൽ വെച്ച കൊടുക്കുന്നത് കാണാം. നിരവധി ആളുകളാണ് ഇതിനോടകം വീഡ‍ിയോ കണ്ടതും ലൈക്കടിച്ചിരിക്കുന്നതും. 

സ്‌നേഹം തുളമ്പുന്ന ദമ്പതിമാർ എന്നാണ് സോഷ്യൽ മീഡിയ ഇരുവർക്കും നൽകിയ വിശേഷണം.