മ​നാ​മ: വാട്‌സ്ആപ്പ് ഹാക്ക് ചെയ്ത ശേഷം പണം തട്ടിയെടുക്കുന്ന സംഭവങ്ങൾ വർധിക്കുന്നതായി ബഹ്‌റൈൻ അധികൃതർ. പ​രി​ച​യ​ക്കാ​രുടെയും ബന്ധുക്കളുടെയും വാട്‌സ്ആപ്പ് നമ്പറിലൂടെ സന്ദേശം അയക്കുകയും വ്യ​ക്തി​ഗ​ത​വി​വ​ര​ങ്ങ​ൾ ആവശ്യപ്പെടും ചെയ്തേക്കാം. ഇത് തട്ടിപ്പല്ല എന്ന് ഉറപ്പുവരുത്തിയ ശേഷമേ വിവരങ്ങൾ നൽകാൻ പാടുള്ളു എന്നും അധികൃതർ ഓർമ്മപ്പെടുത്തി.

അടുത്തിടെ ബഹ്‌റൈനിലുണ്ടായ ഒരു തട്ടിപ്പ് ഇങ്ങനെയാണ്, ഒരു മാതാവിന് മകളുടെ ഹാക്ക് ചെയ്ത വാട്‌സ്ആപ്പ് വഴി സന്ദേശം എത്തി. മാ​താ​വി​ന് സി.​പി.​ആ​ർ (Central Population Registry card) കാ​ർ​ഡി​ന്റെ പ​ക​ർ​പ്പ് വേണമെന്നാണ് ആവശ്യപ്പെട്ടത്. എന്തിനാണെന്ന് ചോദിച്ചപ്പോൾ 'പിന്നെ പറയാം,പെട്ടെന്ന് അയക്കു'എന്നായിരുന്നു മറുപടി.

ഉടൻ തന്നെ മാതാ​വ് കാ​ർ​ഡി​ന്റെ ചി​ത്ര​ങ്ങ​ൾ അയച്ചു നൽകി. തുടർന്ന് തട്ടിപ്പ് സംഘം മാ​താ​വി​ന്റെ ബാ​ങ്ക് അ​ക്കൗ​ണ്ടി​ലെ മു​ഴു​വ​ൻ പ​ണ​വും കൈക്കലാക്കി.

ഏതെങ്കിലും തരത്തിൽ സാമ്പത്തിക തട്ടിപ്പിനിരയായി എന്ന് ബോധ്യപ്പെട്ടാൽ ഉ​ട​ൻ ത​ന്നെ ബാ​ങ്കി​നെ വി​ളി​ച്ച് ത​ട്ടി​പ്പ് റി​പ്പോ​ർ​ട്ട് ചെ​യ്യു​ക​യും വിവരം സൈ​ബ​ർ ക്രൈം ​ഹോ​ട്ട്‌​ലൈ​ൻ ആ​യ 992ൽ ​വി​ളി​ച്ച് പറയുകയും വേണം. അറിയാത്ത നമ്പറിൽ നിന്നുള്ള കോളുകളോടും സന്ദേശങ്ങളോടും പ്രതികരിക്കരുതെന്ന് ​ബഹ്‌റൈൻ പൊലീസ് അഭ്യർത്ഥിച്ചു.