കു​വൈ​ത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ കൂടുതൽ നിയന്ത്രണങ്ങൾ ഏർപ്പെടുത്തിയതായി അധികൃതർ അറിയിച്ചു. ഇനി മുതൽ വിലപിടിപ്പുള്ള വസ്തുക്കൾ കൊണ്ട് പോകുന്നതിന് ക​സ്റ്റം​സ് ഡി​ക്ല​റേ​ഷ​ൻ നി​ർ​ബ​ന്ധ​മാ​ണ്. പ​ണവുമായി യാത്ര ചെയ്യുന്നതിനും നിയന്ത്രണം ഏർപ്പെടുത്തിയിട്ടുണ്ടെന്ന് ക​സ്റ്റം​സ് ജ​ന​റ​ൽ അ​ഡ്മി​നി​സ്ട്രേ​ഷ​ൻ അ​റി​യി​ച്ചു.

ഇനി മുതൽ 3,000 ദി​നാ​റോ അ​തി​ല​ധി​ക​മോ പ​ണം കൊ​ണ്ടു​പോ​കു​ന്ന യാ​ത്ര​ക്കാ​ർ​ക്ക് ക​സ്റ്റം​സ് ഡി​ക്ല​റേ​ഷ​ൻ നിർബന്ധമാണ്. സ്വ​ർ​ണം, വി​ല​യേ​റി​യ വാ​ച്ചു​ക​ൾ, ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ൾ തു​ട​ങ്ങി​യ​ സാധനങ്ങൾ കൈവശമുണ്ടെങ്കിൽ അത് യാത്രക്കാർ ക​സ്റ്റം​സി​നെ അ​റി​യിക്കണം. ഹാ​ൻ​ഡ് ല​ഗേ​ജി​ൽ വി​ല​ കൂ​ടി​യ വസ്തുക്കൾ സൂക്ഷിക്കുന്നുണ്ടെങ്കിൽ അതിന്റെ ബിൽ കൈവശമുണ്ടാകണം. ഉദ്യോഗസ്ഥർ ആവശ്യപ്പെട്ടാൽ ബിൽ നൽകണമെന്നും അധികൃതർ വ്യക്തമാക്കി.

ക​സ്റ്റം​സി​നെ അ​റി​യി​ക്കാ​തെ സാധനങ്ങൾ കൊണ്ട് പോയാൽ അത് നി​യ​മ​ലം​ഘ​ന​മാ​യി കണക്കാക്കുകയും, അവ കണ്ടു കെട്ടി തുടർ നടപടികൾ സ്വീകരിക്കും.വിമാനത്താവളം വഴിയുള്ള കള്ളക്കടത്ത് തടയുന്നതിന്റെ ഭാഗമായി ആണ് പുതിയ നിയന്ത്രണങ്ങൾ.

രാ​ജ്യ​ത്തേ​ക്ക് പ്ര​വേ​ശി​ക്കു​മ്പോ​ഴും,മടങ്ങി പോകുമ്പോഴും ക​സ്റ്റം​സ് ഫോ​റം പൂ​രി​പ്പി​ച്ച് നൽകണമെന്നും അധികൃതർ അറിയിച്ചു.