ജീവനക്കാരുടെ മരണത്തിന് കാരണം സര്‍വകലാശാലയ്ക്ക് മേലുള്ള ശാപം; ഒഴിവാക്കാന്‍ മൃത്യഞ്ജയ ഹോമം നടത്തുമെന്ന് സര്‍ക്കുലര്‍; പ്രതിഷേധവുമായി എസ്എഫ്‌ഐ

ഹൈദരബാദ്: ജീവനക്കാരുടെ മരണത്തെ തുടര്‍ന്ന് മൃത്യുഞ്ജയഹോമം നടത്തുമെന്ന വിചിത്ര സര്‍ക്കുലര്‍ ഇറക്കി ആന്ധ്രയിലെ  സര്‍വകലാശാല. അനന്ത്പൂരിലെ ശ്രീ കൃഷ്ണദേവരായ സര്‍വകലാശാലയുടെതാണ് വിചിത്ര ഉത്തരവ്. ഹോമത്തിനായി അധ്യാപകര്‍ 500രൂപയും അനധ്യാപകര്‍ 100 രൂപയും നല്‍കണമെന്നും സര്‍ക്കുലറില്‍ പറയുന്നു

കഴിഞ്ഞ മാസം സര്‍വകലാശാലയിലെ വിവിധ വിഭാഗങ്ങളില്‍ ജോലി ചെയ്തിരുന്ന അഞ്ച് ജീവനക്കാര്‍ ആരോഗ്യപ്രശ്‌നങ്ങളെ തുടര്‍ന്ന് മരിച്ചിരുന്നു. ജീവനക്കാര്‍ ഇങ്ങനെ മരിക്കാന്‍ കാരണം സര്‍കവകാലശാലയ്ക്ക് മേല്‍ ശാപമുള്ളതിനാലാണെന്നും അതൊഴിവാക്കാനായി മഹാമൃത്യുഞ്ജയ ശാന്തി ഹോമം നടത്തുമെന്നുമാണ് സര്‍ക്കുലറില്‍ പറയുന്നത്. 

ഫെബ്രുവരി 24ന് രാവിലെ എട്ടരയ്ക്ക് മൃത്യുഞ്ജയഹോമം നടത്താനാണ് തീരുമാനം. ഹോമത്തില്‍ സ്വമേധയാ പങ്കെടുക്കാന്‍ തയ്യാറുള്ള എല്ലാ ജീവനക്കാരും, മേല്‍പ്പറഞ്ഞ ചെലവുകള്‍ക്കായി അധ്യാപക ജീവനക്കാര്‍് 500 രൂപയും അനധ്യാപക ജീവനക്കാര്‍ക്ക് 100 രൂപയും സംഭാവന നല്‍കണമെന്നുമാണ് നിര്‍ദേശം.

ഹോമം നടത്തുന്നതിനെതിരെ വലിയ പ്രതിഷേധവുമായി എസ്എഫ്‌ഐ രംഗത്തെത്തി. ഒരു സര്‍വകലാശാലയിലും അന്ധവിശ്വാസത്തിന്റെ ഭാഗമായി ഹോമം നടത്താന്‍ അനുവദിക്കില്ലെന്ന് എസ്എഫ്‌ഐ നേതാക്കള്‍ വ്യക്തമാക്കി.

ഈ വാര്‍ത്ത കൂടി വായിക്കൂ

മയക്കുമരുന്ന് ഉപയോഗം ചോദ്യം ചെയ്തു: ലിവ്- ഇൻ പങ്കാളിയെ തീ കൊളുത്തി കൊന്നു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ