കശ്മീരില്‍ നാല് ഭീകരര്‍ പിടിയില്‍; എകെ 47 ഉള്‍പ്പെടെ ആയുധങ്ങള്‍ കണ്ടെടുത്തു

ശ്രീനഗര്‍: ജമ്മു കശ്മീരില്‍ നാല് ഭീകരര്‍ സേനയുടെ പിടിയിലായി. അവന്തിപോരയില്‍ വച്ചാണ് ഇവരെ പിടികൂടിയത്. ഇവരില്‍ നിന്ന് ആയുധങ്ങളും പിടിച്ചെടുത്തിട്ടുണ്ട്. 

അല്‍ ബാദര്‍ എന്ന ഭീകര സംഘടനയിലെ അംഗങ്ങളാണ് പിടിയിലായത്. പ്രദേശത്ത് നടത്തിയ തരിച്ചിലിലാണ് ഒളിപ്പിച്ച വച്ച ആയുധങ്ങളടക്കം ഇവരെ പിടികൂടിയത്. 

ഒരു എകെ 47 തോക്ക്, എകെ 56 മാഗസിന്‍, 28 വെടിയുണ്ടകള്‍, ഗ്രനേഡ് എന്നിവയാണ് ഇവരില്‍ നിന്ന് പിടിച്ചെടുത്തത്.