കോവിഡ് പ്രതിരോധം; അഞ്ച് ജില്ലകളിൽ ഏകോപനത്തിന് സ്പെഷ്യൽ ഓഫീസർമാർ

തിരുവനന്തപുരം: അഞ്ച് ജില്ലകളിലെ കോവിഡ് പ്രതിരോധ പ്രവർത്തനങ്ങൾ ഏകോപിപ്പിക്കാൻ സ്‌പെഷ്യൽ ഓഫീസർമാരായി അഞ്ച് ഐഎഎസ് ഉദ്യോഗസ്ഥരെ നിയമിച്ചു. ജിആർ ഗോകുൽ, പിബി നൂഹ്, ഡോ. കാർത്തികേയൻ, എസ് ഹരികിഷോർ, എസ് സുഹാസ് എന്നിവരെയാണ് നിയമിച്ചത്. 

ജിആർ ഗോകുൽ (പാലക്കാട് ), പിബി നൂഹ് (കാസർകോട്), ഡോ. കാർത്തികേയൻ (തൃശൂർ), എസ് ഹരികിഷോർ (കോഴിക്കോട്), എസ് സുഹാസ് (മലപ്പുറം) എന്നിങ്ങനെയാണ് ചുമതലകൾ. ഇന്നലെ വരെ ടെസ്റ്റ് പോസിറ്റിവിറ്റി നിരക്ക് കൂടി നിന്ന ജില്ലകളിലാണ് സ്‌പെഷ്യൽ ഓഫീസർമാരെ നിയമിച്ചത്. ഈ മാസം 23 മുതൽ 31 വരെയാണ് നിയമനം. 

കൺടെയ്ൻമെന്റ് സോണുകളിലെ പ്രവർത്തനം, കോൺടാക്ട് ട്രെയിസിങ്, പ്രതിരോധ പ്രവർത്തനങ്ങൾ നടപ്പാക്കുക, കോവിഡ് കേസുകൾ അതാത് ജില്ലകളിൽ കുറയുന്നുണ്ടെന്ന് ഉറപ്പ് വരുത്തുകയാണ് എന്നിവയാണ് ഇവർക്കുള്ള ചുമതല.