ആറ് ജില്ലകളിലായി എട്ട് പുതിയ ഹോട്ട്സ്‌പോട്ടുകൾ; ആകെ 599 

തിരുവനന്തപുരം: സംസ്ഥാനത്ത് ഇന്ന് പുതിയതായി എട്ട് പ്രദേശങ്ങൾ കൂടി ഹോട്ട്സ്‌പോട്ടുകളായി പ്രഖ്യാപിച്ചു. മലപ്പുറം, ഇടുക്കി, തൃശൂർ, കൊല്ലം, കാസർ​ഗോഡ്, പാലക്കാട് ജില്ലകളിലാണ് പുതിയ‌ ഹോട്ട്സപോട്ടുകൾ. ഒൻപത് പ്രദേശങ്ങളെ ഹോട്ട്സ്‌പോട്ടില്‍ നിന്നും ഒഴിവാക്കിയിട്ടുണ്ട്. ഇതോടെ ആകെ ഹോട്ട്സ്‌പോട്ടുകളുടെ എണ്ണം 599 ആയി.

മലപ്പുറം ജില്ലയിലെ ഇരുമ്പിലിയം (കണ്ടെന്‍മെന്റ് സോണ്‍ സബ് വാര്‍ഡ് 3), മറക്കര (സബ് വാര്‍ഡ് 1, 11), വാളാഞ്ചേരി മുന്‍സിപ്പാലിറ്റി (സബ് വാര്‍ഡ് 27), ഇടുക്കി ജില്ലയിലെ ഇരട്ടയാര്‍ (സബ് വാര്‍ഡ് 7), തൃശൂര്‍ ജില്ലയിലെ പനച്ചേരി (19), കൊല്ലം ജില്ലയിലെ ഇടമുളയ്ക്കല്‍ (സബ് വാര്‍ഡ് 4), കാസര്‍ഗോഡ് ജില്ലയിലെ മീഞ്ച (7), പാലക്കാട് ജില്ലയിലെ തിരുവേഗപ്പുര (15, 17) എന്നിവയാണ് പുതിയ ഹോട്ട്സ്‌പോട്ടുകള്‍.