കണ്ണൂര്‍ നഗരത്തില്‍ ഭീതി പരത്തി തെരുവുനായ ആക്രമണം; കടിയേറ്റത് 25ലധികം പേര്‍ക്ക്

കണ്ണൂര്‍ : കണ്ണൂര്‍ നഗരത്തില്‍ ഭീതി പരത്തി തെരുവുനായയുടെ ആക്രമണം (stray dog attack). കടിയേറ്റ് ഇരുപത്തഞ്ചിലധികം പേര്‍ക്ക് പരിക്കേറ്റു.

കണ്ണൂരും കാസര്‍കോടും റെഡ് അലര്‍ട്ട്; മൂന്ന് ജില്ലകളില്‍ ഓറഞ്ച്; വ്യാഴാഴ്ച വരെ ശക്തമായ മഴ

ചൊവ്വാഴ്ച രാവിലെ പതിനൊന്നരയോടെയാണ് തെരുവുനായയുടെ ആക്രമണമുണ്ടായത്. കണ്ണൂര്‍ പുതിയ ബസ്റ്റാന്‍ഡ്, എസ് ബി ഐ പരിസരം, പ്രഭാത് ജങ്ഷന്‍ തുടങ്ങിയ സ്ഥലങ്ങളിലാണ് തെരുവുനായ ആളുകളെ പിന്തുടര്‍ന്ന് കടിച്ചത്. പ്ലസ് വണ്‍ വിദ്യാര്‍ഥി നീര്‍കടവിലെ നവനീത്, ഫോര്‍ട്ട് റോഡിലെ ഇന്ത്യന്‍ കോഫി ഹൗസ് ജീവനക്കാരന്‍ കൂത്തുപറമ്പിലെ സിബിന്‍, മുഴപ്പിലങ്ങാട് സ്വദേശി അബ്ദുള്‍ നാസര്‍, തളിപ്പറമ്പ് സ്വദേശി ഗണേഷ് കുമാര്‍ , കാങ്കോലിലെ വിജിത്ത് ,തമിഴ്‌നാട് ചിന്ന സേലം സ്വദേശി ഭാഗ്യരാജ് ,മുണ്ടേരിയിലെ റാഷിദ, എസ് ബി ഐ ജീവനക്കാരന്‍ രജീഷ്, അഞ്ചരക്കണ്ടിയിലെ റജില്‍, എറണാകുളത്തെ രവികുമാര്‍ , കണ്ണപുരത്തെ ശ്രീലക്ഷ്മി, വാരം സ്വദേശി സുഷീല്‍, കുറുവ വട്ടംകുളത്തെ അജയകുമാര്‍ , കൂത്തുപറമ്പിലെ സഹദേവന്‍, കീഴറയിലെ ഹമീദ്, രാമന്തളിയിലെ പവിത്രന്‍ , കടംമ്പൂരിലെ അശോകന്‍ , നായാട്ടു പാറ സ്വദേശി സീന, കൂത്തുപറമ്പിലെ മനോഹരന്‍ , പുതിയതെരുവിലെ വിജിന , കൊട്ടിയൂരിലെ സാജു , കാഞ്ഞങ്ങാട് സ്വദേശി നന്ദന, മണിക്കടവിലെ ജിനോ തുടങ്ങിയവര്‍ക്കാണ് കടിയേറ്റത്.

കരുത്ത് കാട്ടാന്‍ അന്‍വര്‍; സമസ്ത അധ്യക്ഷനുമായി കൂടിക്കാഴ്ച

ഇവര്‍ ജില്ലാ ആശുപത്രിയില്‍ ചികിത്സ തേടി. മിക്കവര്‍ക്കും കാലിനാണ് കടിയേറ്റത്. അക്രമാസക്തനായ നായ പിന്തുടര്‍ന്ന് ഓടിച്ചിട്ട് കടിക്കുകയായിരുന്നു.