ഹൈദരാബാദ്: അന്താരാഷ്ട്ര ടി20യില്‍ പുതിയ റെക്കോര്‍ഡ് സ്ഥാപിച്ച് ഇന്ത്യന്‍ ഓപ്പണര്‍ അഭിഷേക് ശര്‍മ. ഒരു കലണ്ടര്‍ വര്‍ഷം കുട്ടി ഫോര്‍മാറ്റില്‍ ഏറ്റവും കൂടുതല്‍ സിക്‌സുകള്‍ പറത്തുന്ന ഫുള്‍ മെമ്പര്‍ രാജ്യങ്ങളിലെ താരമെന്ന റെക്കോര്‍ഡാണ് അഭിഷേക് സ്വന്തമാക്കിയത്. വെസ്റ്റ് ഇന്‍ഡീസിനെതിരായ നാലാം ടി20യിലാണ് താരം ചരിത്രമെഴുതിയത്.

മത്സരത്തില്‍ ഒരു സിക്‌സ് മാത്രമാണ് അഭിഷേക് പറത്തിയത്. ഈ സിക്‌സോടെയാണ് അഭിഷേക് നേട്ടത്തിലെത്തിയത്. നേരത്തെ മുന്‍ ഇന്ത്യന്‍ ക്യാപ്റ്റന്‍ സൂര്യകുമാര്‍ യാദവിന്റെ പേരിലാണ് റെക്കോര്‍ഡുണ്ടായിരുന്നത്. 2022ല്‍ സൂര്യകുമാര്‍ 68 സിക്‌സുകള്‍ പറത്തിയാണ് റെക്കോര്‍ഡിട്ടത്. മത്സരത്തില്‍ 24 പന്തില്‍ ഒരു സിക്‌സും 3 ഫോറും സഹിതം അഭിഷേക് 29 റണ്‍സെടുത്തു.

2025ല്‍ അഭിഷേക് ഒരു കലണ്ടര്‍ വര്‍ഷം 54 സിക്‌സുകള്‍ പറത്തിയിട്ടുണ്ട്. മറ്റൊരു ഇന്ത്യന്‍ താരമായ ഇഷാന്‍ കിഷന്‍ ഈ വര്‍ഷം നിലവില്‍ 52 സിക്‌സുകളും അടിച്ചിട്ടുണ്ട്.

നേരത്തെ കഴിഞ്ഞ കളിയിലും അഭിഷേക് ഒരു നാഴികക്കല്ല് താണ്ടിയിരുന്നു. അന്താരാഷ്ട്ര ടി20യില്‍ 2000 റണ്‍സെന്ന നേട്ടമാണ് അഭിഷേക് മൂന്നാം പോരില്‍ സ്വന്തമാക്കിയത്. ഈ നേട്ടം സ്വന്തമാക്കുന്ന ആറാം ഇന്ത്യന്‍ താരമായും അഭിഷേക് മാറി. 4,231 റണ്‍സുമായി രോഹിത് ശര്‍മയാണ് ഒന്നാമത്. 4188 റണ്‍സുമായി വിരാട് കോഹ്‌ലി രണ്ടാം സ്ഥാനത്ത്. പിന്നീടുള്ള മൂന്ന് സ്ഥാനങ്ങളില്‍ സൂര്യകുമാര്‍ യാദവിന് 3272 റണ്‍സും ഹര്‍ദിക് പാണ്ഡ്യയ്ക്ക് 2288 റണ്‍സും കെഎല്‍ രാഹുലിന് 2265 റണ്‍സും.