മ്യൂണിക്ക്: പ്രായം കേവലം അക്കങ്ങള്‍ മാത്രമെന്നു ചില താരങ്ങളെ നോക്കി പറയാറുണ്ട്. കളി മികവിനു ഒരോ വര്‍ഷം കഴിയും തോറും മാറ്റ് കൂടുമ്പോള്‍ ഈ പറച്ചില്‍ ശരിയാണെന്നു കാണാം.

ഇതിഹാസ താരവും നായകനുമായ പോര്‍ച്ചുഗലിന്റെ ക്രിസ്റ്റിയാനോ റൊണാള്‍ഡോ കരിയറിലെ ആറാം യൂറോ കപ്പിനാണ് ഇന്ന് ഇറങ്ങുന്നത്. 2016ല്‍ രാജ്യത്തിനു ആദ്യമായി ഒരു മേജര്‍ കിരീടം സമ്മാനിച്ചതിന്റെ നിറമുള്ള ഓര്‍മകള്‍ താരത്തിനുണ്ട്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

കരിയറിലെ അവസാന യൂറോ കപ്പിനാണ് 39കാരന്‍ ഇറങ്ങുന്നത്. ഇത്തവണയും കിരീടം നേടി കരിയറിനു സമ്മോഹന പര്യവസാനമായിരിക്കും ക്രിസ്റ്റ്യാനോ റൊണാള്‍ഡോ ലക്ഷ്യമിടുന്നത്.

207 മത്സരങ്ങള്‍ പോര്‍ച്ചുഗലിനായി കളിച്ച താരമാണ് ക്രിസ്റ്റിയാനോ റൊണാള്‍ഡോ. 130 ഗോളുകളും താരം പറങ്കിപ്പടയ്ക്കായി നേടിയിട്ടുണ്ട്.

ഇന്ന് ചെക്ക് റിപ്പബ്ലിക്കുമായാണ് പോര്‍ച്ചുഗലിന്റെ ഈ യൂറോയിലെ ആദ്യ പോരാട്ടം. ജോര്‍ജിയ, തുര്‍ക്കി ടീമുകളാണ് ഗ്രൂപ്പിലെ മറ്റുള്ളവര്‍.