'സ്വിങ് ചെയ്യുന്നില്ല, ഈ പിച്ചില്‍ എവിടെ പന്തെറിഞ്ഞിട്ടും കാര്യമില്ല'

ബ്രിസ്‌ബെയ്ന്‍: ഇന്ത്യയും ഓസ്‌ട്രേലിയയും തമ്മിലുള്ള മൂന്നാം ടെസ്റ്റ് മഴയെ തുടര്‍ന്നു ആദ്യ ദിവസം 13.2 ഓവര്‍ മാത്രമാണ് കളി നടന്നത്. ടോസ് നേടി ഇന്ത്യ ബൗളിങ് തിരഞ്ഞെടുക്കുകയായിരുന്നു. കളി നിര്‍ത്തുമ്പോള്‍ ഓസ്‌ട്രേലിയ വിക്കറ്റ് നഷ്ടമില്ലാതെ 28 റണ്‍സെന്ന നിലയിലാണ്.

അതിനിടെ പിച്ചില്‍ നിന്നു തനിക്ക് ഒരു ആനുകൂല്യവും കിട്ടുന്നില്ലെന്ന ബുംറ പറയുന്നത് ഇപ്പോള്‍ പുറത്തു വന്നിരിക്കുകയാണ്. താരത്തിന്റെ നിരാശ സ്റ്റംപ് മൈക്കാണ് പിടിച്ചെടുത്തത്.

കാലവസ്ഥയും പിച്ചും നോക്കിയാണ് രോഹിത് ശര്‍മ ആദ്യം ബൗള്‍ ചെയ്യാന്‍ തീരുമാനിച്ചത്. എന്നാല്‍ പ്രതീക്ഷിച്ച പിന്തുണ ബൗളര്‍മാര്‍ക്ക് പിച്ചില്‍ നിന്നു കിട്ടിയില്ല. അതു ബുംറയുടെ വാക്കുകള്‍ വ്യക്തം.

വിരമിച്ചു, തിരിച്ചെത്തി; പാക് പേസര്‍ മുഹമ്മദ് ആമിര്‍ വീണ്ടും വിരമിച്ചു!

'എവിടെ പന്തെറിഞ്ഞിട്ടും ഒരു കാര്യവുമില്ല. സ്വിങ് ചെയ്യിക്കാനേ സാധിക്കുന്നില്ല. അത് ബാറ്റില്‍ തട്ടി ഉയരുകയാണ്'- അഞ്ചാം ഓവര്‍ പന്തെറിഞ്ഞ ശേഷമാണ് ബുംറയുടെ പരാതി പറച്ചില്‍.

അദ്യ ദിനത്തില്‍ 6 ഓവറാണ് ബുംറ പന്തെറിഞ്ഞത്. 8 റണ്‍സാണ് താരം വിട്ടുകൊടുത്തത്.