സാമ്പത്തിക ലക്ഷ്യങ്ങള്‍ക്കായി പണം സ്വരൂക്കൂട്ടാന്‍ തീരുമാനിക്കുമ്പോള്‍ മനസില്‍ വരുന്ന പ്രധാന സംശയം എവിടെ നിക്ഷേപിക്കണമെന്നതാണ്
News Now
സാമ്പത്തിക ലക്ഷ്യങ്ങള്‍ക്കായി പണം സ്വരൂക്കൂട്ടാന്‍ തീരുമാനിക്കുമ്പോള്‍ മനസില്‍ വരുന്ന പ്രധാന സംശയം എവിടെ നിക്ഷേപിക്കണമെന്നതാണ്. മാസംതോറും നിശ്ചിത തുക മാറ്റിവെയ്ക്കാന്‍ ആഗ്രഹിക്കുന്നുവെങ്കില്‍ ആര്‍ഡിയില്‍ നിക്ഷേപിക്കണോ അതോ മ്യൂച്ചല്‍ ഫണ്ടുകളിലെ നിക്ഷേപ രീതിയായ എസ്‌ഐപിയില്‍ ഇടണമോ എന്നതാണ് പ്രധാനമായി ഉയരുന്ന സംശയം.
രണ്ടു വഴിയും ഓരോ മാസവും നിശ്ചിത തുക മാറ്റിവെയ്ക്കാന്‍ സഹായിക്കുമെങ്കിലും പണം വളരുന്ന രീതി തികച്ചും വ്യത്യസ്തമാണ്. അഞ്ചുവര്‍ഷം കഴിഞ്ഞ് ഒരു സാമ്പത്തിക ലക്ഷ്യമുണ്ടെങ്കില്‍ വിപണിയിലെ റിസ്‌ക് ഒഴിവാക്കാന്‍ ആഗ്രഹിക്കുന്നവര്‍ക്ക് ഈ വ്യത്യാസങ്ങള്‍ അറിഞ്ഞിരിക്കേണ്ടത് അത്യാവശ്യമാണ്. സുരക്ഷിതത്വത്തിനാണോ റിസ്‌ക് എടുത്തിട്ടായാലും കൂടുതല്‍ ലാഭം നേടാനുള്ള സാധ്യതയ്ക്കാണോ കൂടുതല്‍ മുന്‍ഗണന നല്‍കുന്നത് എന്നതിനെ ആശ്രയിച്ചായിരിക്കും തീരുമാനം.
ആര്‍ഡി സ്‌കീം
പോസ്റ്റ് ഓഫീസിലോ ബാങ്കിലോ ഒരു നിശ്ചിത കാലയളവിലേക്ക് എല്ലാ മാസവും ഒരു നിശ്ചിത തുക നിക്ഷേപിക്കുന്ന രീതിയാണിത്. അക്കൗണ്ട് തുറക്കുന്ന സമയത്ത് തന്നെ പലിശനിരക്ക് ഉറപ്പിച്ചിട്ടുണ്ട്. അതിനാല്‍ പണം എങ്ങനെയാണ് വളരുന്നത് എന്ന് മുന്‍കൂട്ടി അറിയാന്‍ സാധിക്കും. അഞ്ചുവര്‍ഷത്തിന് ശേഷം വേണ്ട ലക്ഷ്യം മുന്‍നിര്‍ത്തി നിക്ഷേപം നടത്തി തുക സമ്പാദിക്കാന്‍ ഇതുവഴി സാധിക്കും. കാരണം ഇത് ഒരു ഗ്യാരണ്ടീഡ് നിക്ഷേപ മാര്‍ഗമാണ്.
എസ്‌ഐപി
നിക്ഷേപകരെ വ്യത്യസ്ത സമയങ്ങളില്‍ നിക്ഷേപിക്കാന്‍ അനുവദിക്കുന്നതിനാല്‍ വിപണിയിലെ ചാഞ്ചാട്ടം കൈകാര്യം ചെയ്യുന്നതില്‍ എസ്‌ഐപികള്‍ മുന്നിട്ടുനില്‍ക്കുന്നു. കൃത്യമായ ഇടവേളകളില്‍ നിശ്ചിത തുക നിക്ഷേപിക്കാനുള്ള ഒരു മാര്‍ഗമാണിത്. എസ്‌ഐപിയാണ് തെരഞ്ഞെടുക്കുന്നതെങ്കില്‍ പണം പ്രധാനമായും ഓഹരികളിലാണ് നിക്ഷേപിക്കുന്നത്.
അഞ്ച് വര്‍ഷത്തെ കാലാവധി ഇക്വിറ്റി നിക്ഷേപങ്ങള്‍ക്ക് വിപണിയിലെ ചെറിയ കയറ്റിറക്കങ്ങളെ നേരിടാന്‍ സമയം നല്‍കും. എന്നാല്‍ പൂര്‍ണമായും വിപണി റിസ്‌ക് ഒഴിവാക്കാന്‍ ഈ കാലയളവ് പര്യാപ്തമല്ല. വിപണിയിലെ അനിശ്ചിതത്വം റിസ്‌ക് എടുക്കാന്‍ താല്‍പ്പര്യമില്ലാത്തവര്‍ക്ക് അനുയോജ്യമാകണമെന്നില്ല.
ആര്‍ഡി vs എസ്‌ഐപി
നിശ്ചിത ലക്ഷ്യത്തിന് ആര്‍ഡി കൂടുതല്‍ ഉറപ്പ് നല്‍കുന്നു. അഞ്ചു വര്‍ഷത്തെ ലക്ഷ്യത്തിന് ആര്‍ഡി മികച്ച ഓപ്ഷനാണ്. കൃത്യം അഞ്ചുവര്‍ഷത്തിന് ശേഷം പണം ആവശ്യമാണെങ്കില്‍ പരമാവധി ലാഭം നേടുന്നതിനേക്കാള്‍ പ്രധാനം പണത്തിന്റെ സുരക്ഷിതത്വത്തിനാണ് നല്‍കേണ്ടത്. വിപണിയിലെ ചാഞ്ചാട്ടങ്ങള്‍ സഹിക്കാനും ലക്ഷ്യങ്ങളില്‍ ചെറിയ തോതിലുള്ള വിട്ടുവീഴചയ്ക്ക് തയ്യാറാണെങ്കിലും ഇക്വിറ്റി മ്യൂച്ചല്‍ ഫണ്ട് എസ്‌ഐപി നിക്ഷേപം പരിഗണിക്കാവുന്നതാണ്. ഉയര്‍ന്ന റിട്ടേണ്‍ ലഭിക്കുമെന്നതാണ് ഇതിന്റെ ആകര്‍ഷണം. ഇതിനൊപ്പം റിസ്‌കും ഉണ്ട്.
Summary
RD vs SIP: Which option suits a 5-year goal without market risk?
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
