ദക്ഷിണ റെയിൽവേയിൽ സ്പോർട്സ് ക്വാട്ട നിയമനം; 67 ഒഴിവുകൾ, കേരളത്തിൽ ജോലി നേടാം

ദക്ഷിണ റെയിൽവേയിൽ സ്പോർട്സ് ക്വാട്ടയിലെ നിയമനത്തിനായി അപേക്ഷ ക്ഷണിച്ചു. ആർ.ആർ.ബി ചെന്നൈ പുറത്തിറക്കിയ വിജ്ഞാപന പ്രകാരം 67 ഒഴിവുകളാണ് ഉള്ളത്.അത്‌ലറ്റിക്സ്, ബോക്സിങ്, ക്രിക്കറ്റ്, ബാസ്കറ്റ്ബോൾ, ഫുട്ബോൾ, ഹോക്കി, വോളിബോൾ, വെയ്റ്റ് ലിഫ്റ്റിങ്, ക്യൂ സ്പോർട്സ് തുടങ്ങിയ ഇനങ്ങളിലാണ് ഒഴിവുകൾ.

പത്താം ക്ലാസ് മുതൽ യോഗ്യതയുള്ളവർക്ക് അപേക്ഷിക്കാം. കേരളത്തിലും നിയമനം ലഭിക്കും. അപേക്ഷകൾ സമർപ്പിക്കേണ്ട അവസാന തീയതി ഒക്ടോബർ 25.

സ്പോർട്സ് ഇനം തിരിച്ചുള്ള ഒഴിവുകൾ

• അത്‌ലറ്റിക്സ് – പുരുഷൻ — 8

• അത്‌ലറ്റിക്സ് – വനിത — 7

• ബോക്സിങ് – പുരുഷൻ — 5

• ബോക്സിങ് – വനിത — 4

• ബാസ്കറ്റ്ബോൾ – പുരുഷൻ — 3

• ക്രിക്കറ്റ് – പുരുഷൻ — 6

• ക്രിക്കറ്റ് – വനിത — 5

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

• ക്യൂ സ്പോർട്സ് – പുരുഷൻ — 1

• ഫുട്ബോൾ – പുരുഷൻ — 8

• ഹോക്കി – പുരുഷൻ — 7

• വോളിബോൾ – പുരുഷൻ — 5

• വോളിബോൾ – വനിത — 4

• വെയ്റ്റ് ലിഫ്റ്റിങ് – പുരുഷൻ — 2

• വെയ്റ്റ് ലിഫ്റ്റിങ് – വനിത — 2

വിദ്യാഭ്യാസ യോഗ്യത

ലെവൽ 1, ലെവൽ 2, ലെവൽ 3 വിഭാഗത്തിലാണ് ഒഴിവുകൾ. ലെവൽ 1 തസ്തികകൾക്ക് പത്താം ക്ലാസ്, ഐടിഐ, തത്തുല്യ യോഗ്യത വേണം. ലെവൽ 2, 3 തസ്തികകൾക്ക് പ്ലസ് ടു അല്ലെങ്കിൽ ബന്ധപ്പെട്ട സാങ്കേതിക യോഗ്യതയും ലെവൽ 4, 5 തസ്തികകൾക്ക് സർക്കാർ അംഗീകൃത സ്ഥാപനത്തിൽ നിന്നുള്ള ബിരുദവുമാണ് വേണ്ടത്.

പ്രായപരിധി

അപേക്ഷകന്റെ പ്രായം 18നും 25നും ഇടയിൽ ആയിരിക്കണം. 2002 ജനുവരി 2 മുതൽ 2009 ജനുവരി 1 വരെ ജനിച്ചവരാണ് അർഹർ. പ്രായപരിധിയിൽ ഇളവ് അനുവദിക്കില്ല.

2024 ഏപ്രിൽ ഒന്നിന് ശേഷമുള്ള അംഗീകൃത കായിക നേട്ടങ്ങളാണ് പരിഗണിക്കുക. അപേക്ഷകർ സജീവ കായികതാരങ്ങളായിരിക്കണം.

കായിക ഇനം അനുസരിച്ച് നിശ്ചിത ദേശീയ, അന്തർദേശീയ മത്സരങ്ങളിലെ നേട്ടങ്ങൾ യോഗ്യതയായി പരിഗണിക്കും. ഓൺലൈനായാണ് അപേക്ഷ സമർപ്പിക്കേണ്ടത്. തിരഞ്ഞെടുപ്പ് ട്രയൽ, കായിക നേട്ടം, വിദ്യാഭ്യാസ യോഗ്യത എന്നിവയുടെ അടിസ്ഥാനത്തിലാണ് നിയമനം.കായിക ട്രയലിന്റെ തീയതി പിന്നീട് റെയിൽവേ റിക്രൂട്ട്മെന്റ് സെൽ ചെന്നൈ, വെബ്സൈറ്റിൽ അറിയിക്കും.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://iroams.com/rrc_sr_sports2026/pdfs/RRCCRNOTIFICATION.pdf