കോംഗോ പ്രതിരോധക്കോട്ട പൊളിച്ച് മുനോസ്; കൊളംബിയ നോക്കൗട്ടില്‍
76-ാംമിനിറ്റില്‍ ഡാനിയല്‍ മുനോസ് ആണ് കൊളംബിയയുടെ വിജയഗോള്‍ നേടിയത്
ഡാനിയല്‍ മുനോസ് A P
Last Updated :24 June 2026, 10:28 am IST
Edited by :Jayakumar
മെക്സിക്കോ സിറ്റി: ലോകകപ്പില്‍ കൊളംബിയ നോക്കൗട്ടില്‍ കടന്നു. ഗ്രൂപ്പ് കെയിലെ നിര്‍ണ്ണായകമായ മത്സരത്തില്‍ കോംഗോയെ ഏകപക്ഷീയമായ ഒരു ഗോളിന് തകര്‍ത്താണ് കൊളംബിയയുടെ കുതിപ്പ്. 76-ാംമിനിറ്റില്‍ ഡാനിയല്‍ മുനോസ് ആണ് കൊളംബിയയുടെ വിജയഗോള്‍ നേടിയത്.
ആദ്യമത്സരത്തില്‍ പോര്‍ച്ചുഗലിനെ സമനിലയില്‍ തളച്ച കോംഗോ കൊളംബിയന്‍ മുന്നേറ്റങ്ങളെ ശക്തമായി ചെറുത്തു. മികച്ച സേവുകളിലൂടെ കളം നിറഞ്ഞ കോംഗോ ഗോള്‍കീപ്പര്‍ ലയണല്‍ എംപാസിയും കൊളംബിയയ്ക്ക് മുന്നില്‍ വന്‍മതിലായി. ഒടുവില്‍ 76-ാം മിനിറ്റിലാണ് മുനോസിലൂടെ കൊളംബിയയ്ക്ക് കോംഗോ പ്രതിരോധപ്പൂട്ട് പൊളിക്കാനായത്.
അവസാന നിമിഷം മുബുകുവിലൂടെ കോംഗോ സമനിലയ്ക്ക് തൊട്ടടുത്തെത്തിയെങ്കിലും ഗോള്‍കീപ്പര്‍ കമിലോ വര്‍ഗാസിന്റെ മികച്ച സേവുകള്‍ കൊളംബിയയുടെ രക്ഷയ്‌ക്കെത്തി. അന്താരാഷ്ട്ര ഫുട്ബോളില്‍ ഇരുരാജ്യങ്ങളും ആദ്യമായിട്ടാണ് നേര്‍ക്കുനേര്‍ വന്നത്. ആദ്യ മത്സരത്തില്‍ 3-1 ഉസ്ബകിസ്ഥാനെ പരാജയപ്പെടുത്തിയ കൊളംബിയ കോംഗോയ്‌ക്കെതിരായ വിജയത്തോടെ അടുത്ത റൗണ്ടിലേക്ക് പ്രവേശനം നേടി.
News Now
'എന്റെ സ്‌നേഹാലിംഗനം; ലിയോ, നിങ്ങള്‍ രാജ്യത്തിനായി നിലകൊണ്ടത് ചരിത്രത്തില്‍ എന്നും ഓര്‍മിക്കപ്പെടും'; ക്രിസ്റ്റ്യാനോ
'ഇഷ്ട വസ്ത്രം മൗലികാവകാശം'; സ്കൂളില്‍ അധ്യാപികയ്ക്ക് ചുരിദാര്‍ ധരിച്ചു വരാമെന്ന് ഹൈക്കോടതി
'ഞാനല്ലാതെ മറ്റാരാണ്...?' സമാധാന നൊബേല്‍ പുരസ്‌കാരത്തിന് തന്നേക്കാള്‍ അര്‍ഹതയുള്ള മറ്റാരുണ്ടെന്ന് ഡോണള്‍ഡ് ട്രംപ്
'45 മിനിറ്റ് സിപിആര്‍ നല്‍കി, ജീവന്‍ രക്ഷിക്കാനായില്ല'; നാനാ പടേക്കറുടെ മരണത്തില്‍ ഡോക്ടര്‍
Summary
Daniel Munoz breaks Congo defense; Colombia wins
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
